پاکستانی سینئر اداکارہ صبا فیصل کی چھوٹی بہو نشا طلعت کو ان کے حجاب اسٹائل کے سبب سوشل میڈیا پر شدید تنقید کا سامنا کرنا پڑگیا۔

ڈراما 'دُرِشہوار' ، 'خدا اور محبت' ، 'سرِ راہ' اور 'ذرا یاد کر' جیسے ڈراموں میں بہترین اداکاری کے جوہر دکھانے والی اداکارہ صبا فیصل گزشتہ چند سالوں سے اپنی پیشہ ورانہ زندگی سے زیادہ اپنی گھریلو زندگی کے سبب شہ سرخیوں کا حصہ بن رہی ہیں۔

صبا فیصل کا شادی شدہ جوڑوں کو اہم مشورہ

شادی کو کامیاب بنانا لڑکا لڑکی دونوں کی ذمیداری ہے

صبا فیصل گزشتہ سال اپنی بڑی بہو نیہا سے ہونے والی سوشل میڈیا لڑائی کے سبب گھر گھر موضوعِ بحث بنیں تو پھر چھوٹے بیٹے ارسلان فیصل کی شادی پر  انکے رقص کی ویڈیوز بھی توجہ کا مرکز بنیں۔

اگرچہ صبا فیصل نے بڑی بہو نیہا سے اب تعلقات استوار کر لیے لیکن اب ان کی چھوٹی بہو سوشل میڈیا پر چرچوں میں ہیں۔

دراصل نشا طلعت سر پر دوپٹہ اوڑھتی ہیں اور ان کی اس عادت کی وجہ سے سوشل میڈیا صارفین نے ان کی خوب تعریفیں بھی کیں لیکن اب نشا کے نئے لُک نے ناقدین کی توجہ حاصل کرلی ہے۔

ارسلان فیصل اور نشا کی چند تصاویر  میں وہ سر پر حجاب لپیٹے نظر آئیں لیکن اس حجاب اسٹائل میں ان کے سر کے بال بھی نظر آرہے ہیں جبکہ حجاب وقت سر ہی سر پر بندھا ہوا ہے۔

سوشل میڈیا صارفین کی جانب سے نشا طلعت کے اس نئے لُک کو شدید تنقید کا نشانہ بنایا جا رہا ہے۔ ناقدین کا کہنا ہے کہ نشا کی جو بات تعریف کی وجہ بنی تھی انہوں نے وہ ہی ختم کردی۔

صبا فیصل کی بہو نیہا سے تعلقات میں حیران کن تبدیلی

صبا فیصل کا بہو نیہا کی سالگرہ پر پیغام جاری

ایک سوشل میڈیا صارف نے لکھا کہ ’نشا کا دوپٹہ سر سے اترا پر اب بس اسٹائل ہی رہ گیا ہے، اور جلد یہ بھی اتر جائیگا، پلیز آپ دوپٹہ مت اتاریے گا‘۔

ایک اور صارف نے لکھا کہ ’ یہ کونسا حجاب ہے اللہ ہدایت دے‘ جبکہ ایک اور انسٹاگرام صارف نے تنقید کرتے ہوئے لکھا کہ ’ ماڈرن پردہ‘۔