پاکستانی ٹک ٹاک اسٹار جوڑی لاریب خالد اور ڈاکٹر زرناب فاطمہ نے خوبصورت انداز میں اپنی فیملی میں نئے فرد کے  اضافے کی خبر مداحوں سے شیئر کردی۔

ایک اور ٹک ٹاک جوڑی رشتہ ازدواج میں منسلک

ٹک ٹاک کی ایک اور مشہور جوٖڑی شادی کے بندھن میں بندھ گئی۔

مارچ 2023 میں نکاح اور نومبر 2023 میں شادی کرکے اپنی نئی دنیا بسانے والی ٹک ٹاکر جوڑی زرناب فاطمہ اور لاریب خالد جلد اپنے ننھے مہمان کا استقبال کرنے جارہے ہیں ۔

سوشل میڈیا اسٹارز لاریب خالد اور زرناب فاطمہ نے فوٹو اینڈ ویڈیو شیئرنگ ایپ انسٹاگرام پر خوبصورت پوسٹ شیئر کی جس میں اس جوڑے کو ایک ساتھ نماز کی ادائیگی کرتے دیکھا گیا۔

تاہم اس پوسٹ میں غور طلب بات یہ تھی کہ عبادت کے دوران زرناب اور لاریب کے علاوہ ایک چھوٹی جائے نماز بھی موجود تھی جو اس بات کی جانب اشارہ دیتی معلوم ہورہی تھی کہ یہ جوڑا جلد اپنے ننھے مہمان کو جنم دینے والا ہے۔

مداحوں کے اس تجسس کو ختم کرتے ہوئے انہوں نے خوشخبری سے آگاہ کیا اور لکھا کہ،’دو سے تین تک کا سفر’۔

زرناب اور لاریب فاطمہ نے اپنے فینز سے بڑی خبر شیئر کرتے ہوئے لکھا کہ،’اپنی زندگی کی اس خوبصورت خبر کو آپ سب کے ساتھ شیئر کرنے کیلئے اللہ کا شکر ادا کرتے ہوئے  اس سے بہتر راستہ نہیں مل سکا کہ جس نے ہمیں اس خوبصورت معجزے سے نوازا۔’

دعاؤں کی درخواست، زرناب شادی کے فوراً بعد اسپتال جا پہنچیں

ٹک ٹاکر لاریب خالد کے ساتھ رشتہ ازدواج میں منسلک ہونے والی سوشل میڈیا انفلوئنسر ...

ٹک ٹاکر جوڑی کا اپنے فینز سے دعاؤں کی درخواست کرتے ہوئے  کہنا تھا کہ،’یہ ہماری زندگیوں کو ہمیشہ کے لیے بدل دے گا۔اللہ ہمارے لیے یہ سفر آسان اور خوبصورت بنائےآپ سب سے گزارش ہے کہ ہمارے لیے جتنا ہو سکے دعا کریں۔’

اس خبر کے منظر عام پر آتے ہی سوشل میڈیا صارفین کی جانب سے اس جوڑے کیلئے ڈھیروں مبارکباد اور نیک تمناؤں  کا سلسلہ شروع ہوگیا۔