انڈین پریمیئر لیگ (آئی پی ایل) کی فرنچائز رائل چیلنجرز بنگلور (آر سی بی) کے اسٹار بلے باز ویرات کوہلی نے مداحوں کیلئے خصوصی پیغام جاری کر دیا۔

ویرات کوہلی نے سوشل میڈیا پر جاری اپنے پیغام میں کہا کہ آج ایک مرتبہ پھر سے میں اپنے آر سی بی کے مداحوں کا شکریہ ادا کرنا چاہوں گا جو ہمیشہ ہماری گراؤنڈ میں کی گئی محنت کو سراہتے ہیں اور یہ احساس دلاتے ہیں کہ وہ ہم سے بے انتہا پیار کرتے ہیں ۔

ویرات کوہلی نے یہ بیان راجھتسان رائلز سے آئی پی ایل کا پلے آف میچ ہارنے کے بعد جاری کیا، پلے آف میچ میں کوہلی کی آر سی بی کو دلچسپ مقابلے کے بعد 4 وکٹوں سے شکست کا سامنا کرنا پڑا تھا۔ 

ہم جلد پاکستان آئیں گے، ویرات کوہلی

ویرات کوہلی نے کب اس خواہش کا اظہار کیا۔

واضح رہے کہ آر سی بی کا اس سیزن میں پلے آف مرحلے میں کوالیفائی کرنا کسی معجزے سے کم نہیں ہے۔آر سی بی کو لیگ کے پہلے 7 میچوں میں سے 6 میچوں میں شکست ہوئی جس کے باعث ٹیم پوائنٹس ٹیبل پر صرف 2 پوائنٹس کے ساتھ دسویں نمبر پر موجود رہی۔

ٹورنامنٹ میں اپنے پہلے 7 میچوں میں مایوس کن کارکردگی دکھانے کے بعد آر سی بی کے پلے آف مرحلے میں جانے کی امیدیں نہ ہونے کے برابر تھیں تاہم اپنے اگلے 7 میچوں میں سے لگاتار 6 میچوں میں جیت حاصل کر کے آر سی بی نے آئی پی ایل کی تاریخ میں سنہری حروف سے لکھے جانے والا کم بیک کیا۔

ویرات کوہلی اور انوشکا شرما آبدیدہ، معاملہ کیا؟

آر سی بی کی آئی پی ایل میں شاندار فتح کے بعد میاں بیوی فتح کا جشن مناتے ہوئے جذباتی...

آخری میچ میں آر سی بی نے چنئی سپر کنگز کو 27 رنز سے شکست دے کر پلے آف مرحلے کے لیے کوالیفائی کر لیا۔