پاکستان کی معروف گلو کارہ ملکہ ترنم نورجہاں سے کون واقف نہیں، ان کے گانے نہ صرف زبان زدِ عام ہوئے بلکہ انہوں نے  جس کے لیے گایا وہ تاریخ کا حصہ بن گیا ہے۔

حال ہی میں یہ انکشاف سب کو حیران کر گیا کہ نورجہاں نے ایک معروف اداکار کی شادی کا سہرا بھی گایا تھا۔

سینئر اداکار نعیم طاہر کی زندگی کا سب سے بڑا پچھتاوا کیا؟

اداکار نے تکلیف دہ یاد شیئر کردی۔

پاکستان شوبز انڈسٹری کے سینئر ترین اداکار، محقق، کالم نگار نعیم طاہر نے اپنی شادی کے حوالے سے ایک خاص بات بتا کر سب کو حیران کردیا۔

نعیم طاہر نے حال ہی میں اپنے بیٹے فرحان طاہر کے ہمراہ نجی ٹی وی شو میں شرکت کی اور اپنی زندگی کی تلخ و شیریں یادوں کو تازہ کیا۔

جہاں انہوں نے زندگی کا سب سے بڑا پچھتاوا ماں کے آخری وقت میں ان سے ملاقات نہ ہو پانا قرار دیا وہیں زندگی کا سب سے خوش کن لمحہ بتا کر سب کو حیران کردیا۔

میڈم نور جہاں کی بھارتی فلم انڈسٹری سے کنارہ کشی کی وجہ کیا؟

انہیں ‘ملکہ ترنم‘ کے خطاب سے نوازا گیا

ماضی کو ٹٹولتے ہوئے نعیم طاہر نے بتایا کہ پاکستان کے انتہائی معروف ڈرامہ نگار و لکھاری امتیاز علی تاج کی بیٹی اور ایوارڈ یافتہ براڈ کاسٹر یاسمین طاہر سے ان کی شادی ہونا سب سے خوشی کا لمحہ تھا۔

تاہم اس شادی کی خاص بات یہ تھی کہ برصغیر کے معروف شاعر فیض احمد فیض نے ان کی شادی کا سہرا لکھا جسے ملکہ ترنم نورجہاں نے اپنی آواز دی۔

نعیم طاہر نے کہا کہ وہ ایسا لمحہ تھا جو زندگی میں دوبارہ آ ہی نہیں سکتا، اس کی خوشی اور ایکسائٹمنٹ بے پناہ تھی۔

نور جہاں کی طلاق کی وجہ بننے والی ‘یاسمین‘ کون؟

  21؍ستمبر 1926ء بروز منگل، ایک بچی پیدا ہوئی۔ کوٹ مراد خان ضلع قصور میں پیدا ہونے...

میزبان نے بھی ان کے اس انکشاف پر حیرت کا اظہار کرتے ہوئے اسے ایک تاریخی لمحہ قرار دیا کہ اتنی بڑی شخصیات نے ان کی شادی کا سہرا لکھا اور گایا۔