انڈین پریمیئر لیگ (آئی پی ایل) 2024 شائقین کرکٹ کو  بہت سارے دلچسپ لمحات دے کر اختتام پذیر ہوگیا۔

کولکتہ نائٹ رائیڈرز نے آئی پی ایل کا  ٹائٹل تیسری بار  اپنے نام کیا جبکہ سن رائیزرز حیدرآباد  رنر اپ ٹیم ثابت ہوئی۔

فتح یاب ہونے کے بعد کولکتہ نائٹ رائیڈرز کو 20 کروڑ بھارتی روپے کی انعامی رقم ملی جبکہ  سن رائیزرز حیدرآبادکو 13 کروڑبھارتی روپے دیے گئے۔

 آئی پی ایل کی کل انعامی رقم  46 اعشاریہ 5 کروڑ بھارتی روپے رکھی گئی تھی جو کہ جیتنے والی ٹیم کے ساتھ ساتھ رنر اپ میں تقسیم کی گئی۔

کے کے آر کی فتح پر شاہ رخ کی اہلیہ کے ساتھ دس سال پرانی یاد تازہ

آئی پی ایل کی ٹرافی کیساتھ کنگ خان کا اہلیہ کے ہمراہ لیا گیا پوز وائرل

پوری لیگ کی بات کی جائے تو راجستھان رائلز اور رائل چیلنجرز بنگلورو، پوائنٹس ٹیبل میں بالترتیب تیسرے اور چوتھے نمبر پر تھے۔ سنجو سیمسن کی ٹیم کو تیسرے نمبر پر آنے پر 7 کروڑ روپے جبکہ فاف ڈو پلیسس کی ٹیم کو 6.5 کروڑ روپے ملے۔

ایونٹ میں رائل چیلنجرز بنگلوروکے کھلاڑی ویرات کوہلی نے ‘اورنج کیپ‘ جیتی جبکہ ‘پرپل‘ کیپ پنجاب کنگز کے فاسٹ باؤلر ہرشل پٹیل کے حصے میں آئی۔ 

دونوں کھلاڑیوں نے اس سیزن میں اپنی کامیابیوں کے لیے 10 لاکھ روپے کی انعامی رقم حاصل کی۔

آئی پی ایل میں فتح، شریاس آئیر کا میسی کے اسٹائل میں جشن

ٹیم کی جیت پر شاہ رخ خان نے بھی بھرپور انداز میں جشن منایا۔

ویرات کوہلی نے 15 میچز میں 61.75 کی اوسط سے ایک سنچری اور پانچ نصف بناکر   741 رنز بنائے، ان کا بہترین اسکور 113  اور اسٹرائیک ریٹ 154.69 تھا، جو کسی آئی پی ایل سیزن میں کوہلی کے لیے اب تک کا سب سے زیادہ اسکور ہے۔

آئی پی ایل 2024 میں انعام جیتنے والوں کی مکمل فہرست:

اورنج کیپ: ویرات کوہلی - 741 رنز (10 لاکھ روپے)

پرپل کیپ: ہرشل پٹیل - 24 وکٹیں (10 لاکھ روپے)

سیزن کے سب سے قیمتی کھلاڑی: سنیل نارائن (12 لاکھ روپے)

الٹیمیٹ فینٹسی پلیئر آف دی سیزن: سنیل نارائن

سب سے زیادہ چوکے : ٹریوس ہیڈ (64)

سب سے زیادہ چھکے : ابھیشیک شرما (42)

سیزن کا سٹرائیکر: جیک فریزر-میک گرک (234.04)

سیزن کا ابھرتا ہوا کھلاڑی: نتیش کمار ریڈی (20 لاکھ روپے)

کیچ آف دی سیزن: رمندیپ سنگھ

فیئر پلے ایوارڈ: سن رائیزرز حیدرآباد

پچ اینڈ گراؤنڈ ایوارڈ: حیدرآباد کرکٹ ایسوسی ایشن

فاتح :کولکتہ نائٹ رائیڈرز