انفوٹینمنٹ

سجل علی نے شادی سے متعلق اہم بیان جاری کردیا

شادی زندگی کا خوبصورت حصہ ہے، سجل علی

Web Desk

2 years ago

سجل علی نے شادی سے متعلق اہم بیان جاری کردیا

شادی زندگی کا خوبصورت حصہ ہے، سجل علی

سجل علی نے خواتین کیلئے اہم پیغام جاری کردیا

پاکستانی اداکارہ سجل علی نے زندگی میں ’رائٹ مین‘ مل جانے پر شادی کرلینے پر زور دیتے ہوئے خواتین کی تعلیم سے متعلق بھی اہم بیان جاری کردیا۔

سجل علی ان دنوں ’زرد پتّوں کا بن‘ میں اداکاری کے جوہر دکھاتی نظر آرہی ہیں جن میں ان کے ساتھ حمزہ سہیل کو کاسٹ کیا گیا ہے۔

اداکارہ نے حال ہی میں اس ڈرامے کیلئے منعقدہ پریس ایونٹ میں شرکت کی جہاں ایک انٹرویو کے دوران انہوں نے اپنے ڈرامے سے متعلق بات کی اور ساتھ ساتھ دیگر سوالات کے جوابات بھی دیے۔

شادی سے متعلق ایک سوال کے جواب میں سجل علی نے کہا کہ ’ ہمارے معاشرے کی کچھ چیزیں ہیں جو ہم بچپن سے سنتے آرہے ہیں کہ ماسٹرز کرلو، پی ایچ ڈی کرلو لیکن کرنی تو اصل میں شادی ہی ہے‘۔

انہوں نے کہا کہ ’ایسا نہیں کہ شادی کی اہمیت نہیں ہے، بالکل شادی لازمی کرنی چاہئے اور جب زندگی میں کوئی اتنا خاص یا آپ کو سمجھنے والا مل جائے تو شادی کرلینی چاہئے لیکن زندگی صرف شادی کیلئے ہی نہیں ہونی چاہئے بلکہ ہاں زندگی کا ایک خوبصورت حصہ شادی ہونی چاہئے‘۔

انہوں نے مزید کہا کہ ’ خواتین کی شادی جتنی ضروری ہے تعلیم بھی اتنی ہی ضروری ہے اور تعلیم ہی خواتین کو خودمختار اور بااخیتار بناتی ہے اس لیے ضروری ہے کہ لڑکیوں کو پڑھنے دیا جائے اور میرے ڈرامے میں بھی میرا کردار ’مینو‘ بھی یہی جنگ لڑتا نظر آئیگا‘۔