پاکستانی اداکارہ سونیا حسین نے اپنی شادی سے متعلق بات کرتے ہوئے اداکارہ ماہرہ خان کی دوسری شادی کی تقریب کو پسندیدہ قرار دے دیا۔

’عشق زہے نصیب‘ ، ’محبت تجھے الوداع‘ اور ’میری گڑیا‘ جیسے ڈراموں میں بہترین اداکاری کے جوہر دکھانے والی اداکارہ سونیا حسین نے نادیہ خان کے ٹاک شو میں شرکت کی جہاں وہ اپنی نجی و پیشہ ورانہ زندگی سے متعلق کھل کر بات کرتی نظر آئیں۔

نادیہ خان نے سونیا حسین سے دورانِ انٹرویو پوچھا کہ ’اب مختلف تھیمز والی شادیاں ہورہی ہیں تو آپ کو کس کی شادی کی تقریب پسند آئی؟‘

اس سوال کا جواب دیتے ہوئے سونیا حسین شرمانے لگیں اور جواب دینے کی کوشش کرتے ہوئے ہنستی ہوئی نظر آئیں۔

بعدازاں اداکارہ نے انکشاف کیا کہ ’وہ بے جا سج دھج والی شادی کی تقریب کو پسند نہیں کرتیں بلکہ ان کو سادہ اور کم ڈیکوریشن والی شادی پسند ہے‘۔

سونیا حسین اور وہاج علی کی جوڑی نے تہلکہ مچادیا

وہاج علی نے سونیا حسین کیساتھ بھی رومانوی انداز اپنا لیا

انہوں نے کہا کہ ’میں نے کبھی ایسا نہیں سوچا کہ انکی ایسی ہوئی تو میری شادی ایسی ہونی چاہئے لیکن مجھے ماہرہ خان کی شادی کی تقریب بالکل ویسی ہی لگی جیسی میں خود چاہتی ہوں کیونکہ مجھے بہت مہنگے سجے دھجے بینکوئٹس نہیں پسند بلکہ میں شادی کی تقریب کو سر سبز مقام پر دیکھنا چاہتی ہوں‘۔

نادیہ خان نے سونیا سے شادی سے متعلق بھی پوچھا جس پر اداکارہ نے کہا کہ ’مجھے سب یہی کہتے ہیں کہ تم نے کامیابی حاصل کرلی ہے اب شادی کرلینی چاہئے کیونکہ اب جو چیز میں ڈھونڈ رہی ہوں وہ اب لوگوں سے ختم ہو جارہے ہیں جو تہذیب، ادب آداب ہیں اور اس کے علاوہ مجھے کوئی چیز متاثر نہیں کرتی اور میں ایک ایسے ہی جینٹلمین کا انتظار میں ہوں‘۔