امریکی گلوکارہ لیڈی گاگاکے حاملہ ہونے کی افواہوں نے سوشل میڈیا پر طوفان برپا کردیا۔

گلوکارہ لیڈی گاگا اور اُن کے بوائے فرینڈ، بزنس مین مائیکل پولانسکی کے تعلقات پہلی بار دسمبر 2019ء میں منظرِ عام پر آئے تھے جسکے بعد رواں سال اپریل میں غیر ملکی میڈیا کی جانب سے یہ دعویٰ سامنے آیا کہ گلوکارہ و اداکارہ لیڈی گاگا نے اپنے بوائے فرینڈ مائیکل پولانسکی کے ساتھ منگنی کرلی ہے۔

منگنی کی یہ افواہیں گلوکارہ کے ہاتھ میں موجود ہیرے کی نایاب انگوٹھی دیکھ کر  زور پکڑنا شروع ہوئیں  جس میں یہ انکشاف کیا گیا کہ لیڈی گاگا نے اپنے بوائے فرینڈ سے منگنی کرلی ہے کیونکہ ان کے ہاتھ میں نظر آنے والی ہیرے کی یہ بڑی سی اور مخصوص انداز میں تراشی گئی انگوٹھی زیادہ تر منگنی کے لیے پہنی جاتی ہے۔

لیڈی گاگا کی منگنی کی افواہیں سرگرم

لیڈی گاگا کو ایک بڑے ہیرے کی نئی انگھوٹی پہنے دیکھا گیا

ان افواہوں کے بادل ابھی چھٹے نہ تھے کہ گلوکارہ کی حاملہ ہونے کی خبریں سرگرم ہوگئیں ۔

حال ہی میں لیڈی گاگا کی بہن کی شادی سے وائرل ہونے والی تصویر میں انکے بے بی بمپ کو دیکھتے ہوئے مداحوں نے حیرانی کا اظہار کیا اور یہ  گماں کیا کہ لیڈی گاگا امید سے ہیں  اور ملٹی گریمی ایوارڈ یافتہ اپنے بوائے فرینڈ مائیکل پولانسکی کے ساتھ اپنے پہلے بچے کی توقع کر رہی ہے۔

اپنی بہن نٹالی جرمنوٹا کی شادی کے دوران، گاگا کو ایک تنگ فٹنگ مختصر سیاہ لباس میں دیکھا گیا تھا۔

’ہم دہشت گرد نہیں’، فلسطینی صحافی معتز عزیزہ کے نام اہم اعزاز

معتز عزیزہ کو ’فریڈم پرائز ایوارڈ 2024’ سے نوازا گیا

جیسے ہی یہ تصاویر سوشل میڈیا پر وائرل ہوئیں، ان کے مداحوں سمیت متعدد نیٹیزنز نے اعتراف کیا کہ گلوکارہ خوبصورت لگ رہی ہیں لیکن سب حیران ہیں کہ کیا وہ حاملہ ہیں۔

ایک صارف نے لکھا کہ،’لیڈی گاگا بہت خوبصورت لگ رہی ہیں لیکن حیران ہوں کہ وہ حاملہ کب ہوئیں۔’

واضح رہے کہ ان افواہوں پر تاحال گلوکارہ کا کوئی بیان سامنے نہیں آیا ہے۔

جبکہ لیڈی گاگا اور مائیکل کے تعلقات سے متعلق امریکی میڈیا ذرائع کا کہنا ہے کہ یہ جوڑی ایک ساتھ ہے اور ان کا رشتہ دن بہ دن مضبوط ہو رہا ہے۔