مرحوم اینکر ڈاکٹر عامر لیاقت حسین کی نازیبا ویڈیوز وائرل کرنے کے مقدمے کے خلاف  آج ہونے والی سماعت میں عدالت نے یوٹیوبر یاسر شامی کے حق میں فیصلہ سنا دیا۔

آج بروز جمعرات 6 جون کویوٹیوبر یاسر شامی اپنے وکیل جبران ناصر کے ہمراہ درخواست ضمانت کیلئے عدالت میں پیش ہوئےجہاں  ایف آئی اے کی تفتیشی افسر نے ملزم یوٹیوبر یاسر شامی کو بے گناہ قرار دے دیا۔

 ایف آئی اے نے مقدمے کا ضمنی چالان عدالت میں پیش کردیا ایف آئی اے کے مطابق یاسر شامی کے خلاف شواہد نہیں ملے ہیں۔

عامر لیاقت کی دوسری برسی سے قبل بشریٰ اقبال انصاف کی منتظر

یاسر شامی اپنے وکیل جبران ناصر کے ہمراہ درخواست ضمانت کیلئے عدالت میں پیش ہونگے

یاسر شامی کو بے گناہ قرار دیے جانے پر کیس کے مدعی دعا عام کے وکیل ضیا اعوان اور دانیہ کے وکیل لیاقت گبول نے ایف آئی اے کے فیصلے کو ماننے سے انکار کردیا۔

 ضیا اعوان ایڈووکیٹ نے کہا کہ ایف آئی اے مقدمے کے حتمی چالان میں یاسر شامی کو ملزم قرار دے چکی ہے، حتمی چالان کے مطابق یاسر شامی کے خلاف شواہد موجود تھے، اب ایف آئی اے کہہ رہا ہے کہ یاسر شامی کے خلاف کوئی شواہد نہیں ملے۔

دوسری جانب لیاقت گبول ایڈووکیٹ نے دانیا شاہ کے حق میں بات کرتے ہوئے کہا کہ مرحوم ڈاکٹرعامر لیاقت حسین کی ویڈیو وائرل کرنے کا اصل ملزم یاسر شامی ہے، دانیہ شاہ کا عامر لیاقت کے بچوں سے جائیداد کا تنازع ہے ، دانیہ شاہ کو پھنسانے کے لئے مرکزی ملزم یاسر شامی کو ملزمان کی فہرست سے نکالا گیا ہے۔

یاسر شامی اور دانیہ شاہ کے وارنٹ گرفتاری جاری

بشریٰ اقبال میدان میں آگئیں

عدالت نے ایف آئی اے کی تفتیشی افسر کو شوکاز نوٹس جاری کردیا، عدالت نے کہا کہ مقدمے میں فرد جرم عائد کی جاچکی ہے۔

جبکہ کیس کی اگلی سماعت 27 جون تک ملتوی کردی گئی ہے۔