بھاری ملبوسات کا ذکر ہو اور  مادھوری ڈکشت کے فلم ’دیوداس‘ میں پہنے گئے ملبوسات کا ذکر نہ ہو، ایسا کیسے ہوسکتا ہے۔ 

مادھوری ڈکشت کا فیشن اسٹائل بھی خواتین میں بےحد مقبول ہے۔ فلم ’ہم آپ کے ہیں کون‘ کی جامنی ساڑھی ہو یا سفید اور ہرا لہنگا، کوئی نہیں بھولا۔ 

فلم ’دیوداس‘ میں چندرمکھی کے کردار میں مادھوری نے وزنی ترین لہنگے پہن کر کردار کو چارچاند لگا دیئے۔ 

کلاسک فلم کے کلاسک گانے ’کاہے چھیڑ موہے‘ میں مادھوری ڈکشٹ نے جو سرخ اور گولڈن لہنگا پہنا تھا، اس کا وزن 30 کلو تھا۔ 

مستانی اور جودھا کے لہنگے کتنے مہنگے اور وزنی؟

بالی وڈ حسیناؤں کے ملبوسات کی ہوشربا قمیت اور وزن

ایک انٹرویو کے دوران مادھوری ڈکشت نے اس لباس سے متعلق کہا تھا کہ آپ30 کلو وزنی گھاگھرے میں کتھک کرنے کا تصور کریں۔ اس لباس میں جب وہ رقص کرنا چھوڑ دیتی تھیں تب بھی ان کا لہنگا گھومتا رہتا تھا۔ یہ لباس پہن کر شاٹ مکمل کرانا تقریباً ناممکن تھا۔ 

دھک دھک گرل نے فلم ’دیوداس‘ ہی کے ایک منظر میں شیشوں کے کام والا لہنگا پہنا تھا جس کا وزن 10 کلو تھا۔ ڈیزائنر جوڑی، ابو جانی اور سندیپ کھوسلہ نے اس شاندار لباس کو تخلیق کیا تھا۔

سنجے دت اور مادھوری کی ناکام محبت کی وجہ؟

مادھوری سے پہلی ملاقات کے وقت سنجے دت شادی شدہ تھے

اس لباس کو مکمل کرنے میں انتہائی ہنرمند کاریگروں کی پوری ٹیم کو تقریباً دو ماہ لگے تھے۔ 

ڈیزائنر جوڑی نے اس لہنگے پر بہترین ملبوسات کے ڈیزائن کا قومی ایوارڈ بھی جیتا تھا۔ یہ جوڑا لندن میں ہونے والی نمائش دی فیبرک آف انڈیا 2015 ء میں وکٹوریہ اینڈ البرٹ میوزیم کا حصہ بھی رہا۔ اسی فلم کے گانے ’مارڈالا‘ میں پہنا گیا۔ مادھوری کا ہرا جوڑا ایک مداح نے تین کروڑ بھارتی روپے میں خریدا تھا۔