ایک تحقیق میں یہ انکشاف سامنے آیا ہے کہ لڑکیوں کے قبل از وقت بالغ ہونے یعنی ان کو کم عمری میں ماہواری آنے کی ایک وجہ ان کا آلودہ فضا میں سانس لینا ہے۔

لڑکیوں کو پہلا حیض آنا ان کے بالغ ہونے کو تصور کیا جاتا ہے جس کے ساتھ جسمانی ہارمونز میں اتار چڑھاؤ اور چھاتی کی نشونما شروع ہوجاتی ہے۔

کئی دہائیوں سے یہ مشاہدہ کیا جارہا تھا کہ لڑکیاں ماضی کے مقابلے میں اب بہت کم عمری میں بالغ ہوجاتی ہیں، جس کی وجوہات جاننے کی کوششیں جاری تھیں۔

ماہواری میں درد کے 3 مؤثر علاج

خواتین کیلئے اچھی خبر

ایک تحقیق میں یہ بات سامنے آئی کہ امریکا میں ایک صدی قبل جس عمر میں لڑکیوں کو پہلا حیض آتا تھا اب اس سے 4 سال پہلے آنا شروع ہوجاتا ہے۔

تحقیق کے نتائج کے مطابق 50 اور 60 کی دہائی میں پیدا ہونے والی لڑکیوں کو عام طور پر ساڑھے بارہ سال کی عمر میں حیض آنا شروع ہوتا تھا لیکن 2000 کی دہائی کے اوائل میں پیدا ہونے والی نسل میں یہ اوسطاً 11.9 سال تک کم ہو گیا۔

جلد بلوغت کا یہ رجحان صرف امریکا تک ہی محدود نہیں بلکہ پوری دنیا میں دیکھا جارہا ہے۔

جنوبی کوریا کی ایک تحقیق میں یہ تشویشناک بات سامنے آئی کہ سال 2008 سے 2020 کے درمیان 8 سال سے بھی کم عمر بچیوں کی چھاتی کی نشونما یا حیض کی علامات ظاہر ہونے کے کیسز میں 16 گنا اضافہ دیکھا گیا ہے۔

خواتین اور طبی مسائل، بات کرنے میں جھجک کیسی؟

پاکستان میں جاری بدترین صنفی تفریق خواتین کے طبی مسائل کی سب سے بڑی وجہ ہے۔ ہمارے...

10 سے 20 سال پہلے تک سائنسدانوں کا خیال تھا کہ قبل از وقت بلوغت کی واحد وجہ بچپن کا موٹاپا ہے تاہم گزشتہ تین برسوں میں کی گئی کئی تحقیق کے ذریعے ایک اور حیرت انگیز وجہ دریافت ہوئی جو کہ فضائی آلودگی ہے۔

پولینڈ کے سائنس دانوں کی ایک تحقیق میں 1257 خواتین کا جائزہ لیا گیا تھا جس میں 11 سال کی عمر سے قبل نائٹروجن گیسوں اور حیض کے درمیان تعلق پایا گیا تھا۔

اس کے علاوہ فائن پرٹیکولیٹ میٹر (پی ایم) ایسے ذرّات ہیں جو دیکھنے میں بہت چھوٹے ہوتے ہیں لیکن تعمیراتی مقامات سے لے کر جنگل کی آگ، بجلی پیدا کرنے والے پلانٹس، گاڑیوں کے انجن اور یہاں تک کہ دھول بھری، کچی سڑکوں سے ہوا میں داخل ہوتے ہیں۔

تحقیق میں یہ بات سامنے آئی کہ ان باریک ذرات میں موجود کیمیکلز نشوونما میں شامل مختلف ہارمونز خاص طور پر اینڈروجن اور ایسٹروجن کے ریسیپٹرز کے ساتھ انٹریکٹ کرنے کی صلاحیت رکھتے ہیں۔

مینوپاز کیا ہے؟ علامات اور مشورے

ڈاکٹرز کی عمومی رائے یہ ہے کہ اگر ایک سال تک ماہواری نہیں آتی تو یہ مینوپاز ہے،...

یہ ممکنہ طور پر ایک چین ری ایکشن کو متحرک کرسکتا ہے جو بلوغت کے آغاز کا باعث بنتا ہے۔

محققین کو جلد بلوغت کے دیرپا نتائج کے حوالے سے تشویش ہے کیوں کہ اس سے بانجھ پن کا خطرہ بڑھ سکتا ہے، اس طرح خواتین میں مینوپاز کا عمل بھی جلد شروع ہوسکتا ہے جو زندگی کو مختصر کرنے کا سبب بن سکتا ہے۔