بالی وڈ کے چاکلیٹی ہیرو کارتک آریان کی فلم ‘چندو چیمپئن’ ایڈوانس بکنگ کیلئے دبئی کی مشہور عمارت ‘برج خلیفہ‘ پر اسکریننگ کے لیے پیش ہونے والی بالی وڈ فلم انڈسٹری کی  پہلی فلم بن گئی۔  

فلم چندو چیمپئن کے اس زبردست  اعزاز کا اعلان بالی وڈ فلم نگری کے خوبرو اداکار کارتک آریان نے فوٹو اینڈ ویڈیو شیئرنگ ایپ انسٹاگرام کے ذریعے مداحوں کے ساتھ شیئر کیا۔

ایک سال کے طویل بریک کے بعد کارتک آریان اپنی فلم ‘چندو چیمپئن‘ کی ریلیز کے ساتھ ایک مرتبہ پھر بڑے پردے پر جلوہ گر ہونے کیلئے تیار ہیں۔

اداکار کی جانب سے انسٹاگرام پر پوسٹ کی گئی ویڈیو میں اپنی فلم کی برج خلیفہ پر اسکریننگ دیکھ کر انہیں خوشی کے آنسو بہاتے دیکھا جاسکتا ہے۔

‘چندو چیمپئن‘ سائن کرنے کے بعد سوچتا تھا یہ فلم کیسے کروں؟ کارتک آریان

کارتک نے چندو چیمپئن کا کریئر کی مشکل ترین فلم قرار دے دیا۔

اپنی فلم چندو چیمپئن کیلئے اداکار کارتک آریان کو اچھی خاصی ٹرولنگ کا سامنا بھی کرنا پڑا۔

 فلم کا  ٹریلر دیکھ کر مداحوں کی جانب سے اداکار کو فلم کے لیے مصنوعی طریقوں کا استعمال کرکے فزیک بنانے پر شدید تنقید کا نشانہ بنایا گیا۔

 بھارتی میڈیا کو دیئے گئے اپنے انٹرویو میں اداکار کارتک آریان نے فلم چندو چیمپئن کو اپنی زندگی کی مشکل ترین فلم قرار دیتے ہوئے بتایا کہ جو لوگ ٹریلر دیکھ کر مجھے ٹرول کررہے ہیں ان کو یہ بتانا چاہتا ہوں کے ایک سال سے اس فلم کے لیے محنت کررہا ہوں۔

کارتک آریان کی ٹرانسفارمیشن دیکھ کر مداح دنگ رہ گئے

کئی مداحوں نے تصاویر کو ہی فیک قرار دے دیا۔

اداکار کا کہنا تھا کہ ‘پراجیکٹ سائن کرنے سے پہلے ہی میں بہت سارے شکوک و شبہات کا شکار تھا حالانکہ کبیر اور ساجد سر نے مجھے اس فلم کے مشکل سفر کے بارے میں پہلے سےآگاہ کیا تھا مگر  فلم سائن کرنے بعد میں نے ایک دن سوچا شوٹنگ کیلئے میں نے ہاں تو کہہ دی ہے لیکن یہ شوٹ کیسے ہوگا؟ مگر آج جب پلٹ کر دیکھتا ہوں تو یہ سب قابلِ فخر لگتا ہے ۔

واضح رہے کارتک آریان  کی ڈائریکٹر کبیر خان اور پروڈیوسر ساجد ناڈیاڈوالا کے بینر تلے بننے والی فلم ‘چندو چیمپئن’ 14 جون کو دنیا بھر میں ریلیز کی جائے گی۔