آئی سی سی مینز ٹی 20 ورلڈ کپ کیلئےآج ہونے والے پاک بھارت ٹاکرے نے پاکستانی اداکارہ ماورا حسین میں بھی جوش و ولولہ پیدا کردیا۔

شائقین کرکٹ کی نظریں آج ٹی ٹوئنٹی ورلڈکپ میں پاکستان اور بھارت کے درمیان ٹاکرے پر جمی ہوئی ہے جو اب سے کچھ دیر بعدنیویارک کے نساؤ کاؤنٹی گراؤنڈ  میں کھیلا جائے گا۔

ماورا حسین ’بالی وڈ’ میں دوبارہ کام کرنے کی خواہاں؟

مداح خوشی سے نہال

کرکٹ کی دنیا میں پاکستان اور بھارت کا  مقابلہ ایک انفرادی حیثیت رکھتا ہے۔ حریف ممالک کی عوام اور کرکٹ شائقین اس معرکے کو دیکھنے اور کھلاڑیوں کی حوصلہ افزائی کرنے کیلئے اپنی اپنی ٹیلی ویژن اسکرین کے سامنے ڈیرہ جما لیتے ہیں۔

جوش و ولولے اور سنسنی خیز معارکے سے قبل پاکستانی اداکارہ ماورا حسین نے بھی گرین شرٹس کو سپورٹ کرنے کیلئے سوشل میڈیا پر دھماکے دار انٹری کردی۔

فوٹو اینڈ ویڈیو شیئرنگ ایپ انسٹاگرام پر ماورا حسین نے مختصر دورانیے پر مشتمل ویڈیو جاری کی جس میں انہیں گرین شرٹ پہنے دیکھا گیا۔

اسرائیلی جارحیت کے 100 دن، ماورا حسین افسردہ

یا اللہ رحم کر

اداکارہ ماورا حسین نے کرکٹ کا جنون اور پاک بھارت ٹاکرے کیلئے اپنے جوش و جذبے کا اظہار کرتے ہوئے سال 2014 میں ریلیز ہونے والی بالی وڈ فلم ’ہمشکل’ کے گانے ’ہم  پاگل نہیں ہیں بھیا ہمارا دماغ خراب ہے’ پر لپ سنکنگ کرتے ہوئے اپنے جذبے کا کھل کر اظہار کردیا۔

ویڈیو کے کیپشن میں ماورا حسین نے ہیش ٹیگ ’پاکستان بمقابلہ بھارت’ استعمال کیا اور اپنے موڈ کا احوال بھی دیا۔

ماورا حسین کی اس ویڈیو پر تبصرہ کرتے بھارتی مداحوں نے ’صنم تیری قسم’ کی سارو سے پاکستان کو سپورٹ کرنے پر ناراضی کا بھی اظہار کردیا۔جبکہ پاکستانی شائقین انکے جذبے کو سراہتے نظر آئے۔