پاکستانی اداکارہ ہانیہ عامر اور اداکار نعمان اعجاز  کی عروسی جوڑوں میں ملبوس ویڈیو نے سوشل میڈیا پر تہلکہ مچادیا۔

ہانیہ عامر اور زاویار نعمان کی ڈیٹنگ کی افواہ سرگرم

ہانیہ عامر اور زاویار نعمان سب کی توجہ کا مرکز بن گئے

ہانیہ عامر اور زاویار نعمان اعجاز سال 2022 میں ڈراما ’مجھے یار ہوا تھا‘ میں ایک ساتھ جلوہ گر ہوچکے ہیں اور یہی ڈراما دونوں کی دوستی کی وجہ بنا۔

سوشل میڈیا پر ہانیہ عامر اور زاویار نعمان اعجاز کی ایک ویڈیو زیرِ گردش ہے جس میں ان کے چہروں کو مختلف طریقوں سے چھپانے کی کوشش کی گئی ہے لیکن ایک چیز جو واضح طور پر نظر آرہی ہے وہ یہ ہے کہ دونوں دلہا دلہن بنے ہوئے ہیں۔

دیکھنے میں یہ ویڈیو نکاح کی تقریب کی لگ رہی ہے جس میں دونوں سفید عروسی جوڑوں میں ملبوس نظر آرہے ہیں۔ 

ہانیہ عامر کے حسین سفید جوڑے پر سنہرے گوٹے اور ستاروں کا دلکش کام دیکھا جاسکتا ہے جبکہ دونوں نے گلے میں سفید موتیاں اور حسین پھولوں کے ہار پہن رکھے ہیں۔

ہانیہ عامر اور زاویار کی یہ ویڈیو دیکھ کر پہلے اس اسٹار جوڑی کے مداح خوشی سے جھوم اٹھے کہ ان کی پسندیدہ جوڑی نے شادی کرلی لیکن پھر ویڈیو کی حقیقت سامنے آگئی۔

دراصل یہ ویڈیو ہانیہ عامر زاویار نعمان کے نکاح کی نہیں بلکہ کلاتھنگ برانڈ 'ماہا وجاہت' کے 'دیارِ عشق' نامی برائیڈل کلیکشن کیلئے کروائے گئے فوٹوشوٹ کا حصہ ہے۔

ویڈیو میں ہانیہ عامر اور زاویار نعمان اعجاز 'آرسی مصحف' کی رسم کرتے بھی نظر آئے جو اسٹار جوڑی کے مداحوں کے دلوں کو بھاگیا۔

ماہا وجاہت کے آفیشل اکاؤنٹ پر جاری ہونے والی ویڈیو کے کمنٹ سیکشن میں سوشل میڈیا صارفین محبت سے بھرپور کمنٹ کرتے دکھے۔

ایک مداح نے لکھا کہ ' میرا نازک سا دل اس برائیڈل فوٹوشوٹ کیلئے تیار نہیں تھا'، جبکہ ایک صارف نے لکھا کہ ' کاش یہ فوٹو شوٹ سچ میں دونوں کی شادی کا ہوتا'۔