پاکستان کرکٹ ٹیم کے فاسٹ باؤلر نسیم شاہ نے کہا ہے کہ ہم کو تسلیم کرنا چاہیے کہ ورلڈکپ میں بطور ٹیم ہم  نے اچھی کرکٹ نہیں کھیلی۔

نسیم شاہ نے ٹی ٹوئنٹی ورلڈ کپ میں امریکا اور بھارت کے ہاتھوں شکست پر بات چیت کرتے ہوئے کہا ہے کہ عوام کی طرح ہم کھلاڑی بھی بہت افسردہ ہیں ۔ البتہ ورلڈ کپ کی مشکل پچز پر بات کرتے ہوئے نسیم شاہ نے کہا کہ ہم پیشہ ورانہ کرکٹرز ہیں ، ہمیں ہر صورتحال میں کھیلنا چاہیے۔

8 سے 9 کھلاڑی ٹیم سے باہر ہوں گے، باسط علی کا دعویٰ

سابق کرکٹر کا بڑا دعویٰ۔

انہوں نے کہا کہ ہمیں اس حقیقت کو تسلیم کر لینا چاہیے کہ بطور ٹیم ہم اچھا نہیں کھیلے، کپتان بابر اعظم سے گلہ نہیں کہ انہوں نے بھارت کے خلاف پہلے بیٹنگ کے لیے کیوں نہیں بھیجا، ہوسکتا ہے کہ مجھ سے بھی شارٹ نہیں لگتا۔

نسیم شاہ نے کہا کہ بات ہورہی کہ فلوریڈا میں بارش ہے، ہم تو صرف اتنا سوچ رہے ہیں ، میچ ہو اور ہم اچھے مارجن سے جیتیں۔

واضح رہے کہ امریکا کے شہر نیویارک کے نساؤ کاؤنٹی گراؤنڈ میں ہونے والے ٹی20 ورلڈکپ کے 19ویں میچ میں روایتی حریف پاکستان اور بھارت آپس میں ٹکرائے اور بھارت نے پاکستان کو 6 رنز سے شکست دے دی۔

ویڈیو، بابر کوہلی کی جوتی کے برابر نہیں، دنیش کنیریا

کنیریا کی بابر کے کھیلنے کے انداز پر تنقید۔

نسیم شاہ نے باؤلنگ میں کمال دکھاتے ہوئے 3 مشکل وکٹس حاصل کیں اور جب بلّے بازوں کے بلّے نہ چلے تو نسیم شاہ نویں نمبر پر میدان میں اترے اور آخری اوور میں نسیم شاہ نے 2 چوکے لگائے لیکن وہ بھی پاکستان کو فتح سے ہمکنار نہ کرا سکے اور پاکستانی ٹیم مقررہ اوورز میں 7 وکٹوں کے نقصان پر 113 رنز ہی بنا سکی۔

جہاں بھارتی ٹیم فتح کا جشن مناتی نظر آئی وہیں نسیم شاہ ساتھی کرکٹر شاہین شاہ آفریدی کے ساتھ پویلین لوٹتے نظر آئے اور اسی دوران وہ اپنے جذبات پر قابو نہ رکھ سکے اور رو پڑے۔