ٹی ٹوئنٹی ورلڈ کپ میں امریکا اور بھارت سے شکست اور کینیڈا کے خلاف فتح کے بعد قومی ٹیم کو اگلا میچ 16 جون کو آئرلینڈ کے خلاف کھیلنا ہے۔

پاکستان نے اس ورلڈ کپ میں 3 میچز کھیلے ہیں جس میں صرف کینیڈا کے خلاف کامیابی حاصل کی ہے۔

ٹی20 ورلڈکپ: پاکستان نے کینیڈا کو 7 وکٹوں سے شکست دیدی

کینیڈا نے پاکستان کو جیت کیلئے 107 رنز کا ٹارگٹ دیا۔

اسپورٹس تجزیہ کاروں کا کہنا ہے کہ پاکستان کے لیے سپر ایٹ کا راستہ مشکل ضرور ہے لیکن ناممکن نہیں۔

کینیڈا کو شکست دینے کے بعد ایونٹ میں ’اِن' رہنے کے لیے پاکستان کو نہ صرف آئرلینڈ کے خلاف میچ جیتنا ضروری ہے بلکہ امریکا کی بھارت کے بعد آئرلینڈ کے خلاف میچ میں شکست بھی لازمی ہے۔

گزشتہ روز نیو یارک کے ناساؤ کاؤنٹی انٹرنیشنل کرکٹ اسٹیڈیم میں بھارت نے امریکا کو 7 وکٹوں سے شکست دی اور سپر ایٹ مرحلے کے لیے کوالیفائی کرلیا۔

امریکا، بھارت سے میچ ہارنے پر قومی ٹیم کیخلاف پٹیشن دائر

درخواست میں بابر اعظم و دیگر کے خلاف بغاوت کا مقدمہ درج کرنے کی استدعا

بھارت کے ہاتھوں شکست کے بعد امریکا کے رن ریٹ میں کمی ہوگئی ہے اور پاکستان کا رن ریٹ امریکا سے بہتر ہوگیا ہے لیکن پاکستان کو سپر 8 میں کوالیفائی کرنے کے لئے اپنا آخری میچ آئرلینڈ سے جیتنا ہوگا اور ساتھ ہی آئرلینڈ کے ہاتھوں امریکا کی شکست بھی لازمی ہے۔

پوائنٹس ٹیبل پر نظر ڈالیں تو بھارت 6 پوائنٹس کے ساتھ گروپ اے میں پہلی پوزیشن پر موجود ہے جبکہ امریکا 4 پوائنٹس کے ساتھ دوسری پوزیشن ہے۔

پاکستان 2 پوائنٹس کے ساتھ تیسرے جبکہ کینیڈا کے بھی 2 پوائنٹس ہیں تاہم کم رن ریٹ کے باعث اس کی پوزیشن چوتھی ہے اور آئرلینڈ صفر پوائنٹس کے ساتھ آخر پر موجود ہے۔

اگر امریکا مزید ایک پوائنٹ حاصل کرنے میں کامیاب ہوگیا تو ٹی ٹوئنٹی ورلڈکپ میں پاکستان کا سفر ایونٹ کے پہلے مرحلے میں ہی اختتام پذیر ہو جائے گا۔

پاکستان کو اپنے آخری میچ میں آئرلینڈ کو ہرانا ہوگا اور آئرلینڈ کا ہاتھوں امریکا کو ہارنا ہوگا، تب ہی پاکستان کے لیے سپر ایٹ تک رسائی ممکن ہوسکے گی۔

ہم نے ورلڈکپ میں اچھی کرکٹ نہیں کھیلی، نسیم شاہ

فاسٹ باؤلر نے کہا کہ ہم پیشہ ورانہ کرکٹرز ہیں ، ہمیں ہر صورتحال میں کھیلنا چاہیے۔

علاوہ ازیں اگر پاکستان یا امریکا کا اگلا میچ بارش کی نذر ہوا تب بھی پاکستان ورلڈ کپ سے باہر ہوجائے گا۔

واضح رہے کہ آئرلینڈ اور امریکا کے درمیان ہونے والے میچ کے دوران بارش کی پیشگوئی کی جاچکی ہے۔