پاکستان کرکٹ ٹیم کے اوپنگ بیٹر امام الحق  کی اہلیہ انمول محمود نے شادی کے 7 ماہ بعد رخصتی کے لمحات پر مبنی ان دیکھی ویڈیو سوشل میڈیا کی زینت بنادی۔

نومبر 2023 میں انمول محمود نے اوپنگ بیٹر امام الحق کیساتھ نکاح کے دو بول پر اپنی نئی زندگی کا آغاز کیا، امام اور انمول کی اس شادی میں کرکٹ کی دنیا سے وابستہ نامور شخصیات نے شرکت کی اور اس جوڑے کیلئے نیک تمناؤں کا اظہار کیا۔

امام الحق اور انمول محمود نے ساتھ پہلی عید کیسے منائی؟

جوڑے کی پوسٹ وائرل

سوشل میڈیا سمیت پاکستانی میڈیا پر امام اور انمول کی شادی کی دلکش تصاویر اور ویڈیوز کا سلسلہ کئی دن تک جاری رہا جبکہ وقفے وقفے سے انمول محمود بھی اپنے انسٹاگرام اکاؤنٹ پر دلکش ویڈیوز اور تصاویر شیئر کرتی نظر آئیں۔

اب شادی کے 7 ماہ بعد ایک بار پھر امام کی دلہنیا نے ان دیکھی ویڈیو جاری کرکے اپنی شادی کی یاد تازہ کردی۔

خوابوں کی دنیا میں رہ رہی ہوں، انمول محمود کا محبت بھرا پیغام

پاکستان کرکٹ ٹیم کے اوپنگ بیٹر امام الحق کی 28ویں سالگرہ پر اہلیہ انمول محمود نے...

فوٹو اینڈ ویڈیو شیئرنگ ایپ انسٹاگرام پر انمول محمود نے پوسٹ شیئر کی جس میں انکے نکاح سے لے کر رخصتی کے خاص لمحات کو کیمرے میں قید کیا گیا تھا، بھائیوں اور اہل خانہ کی آنکھوں میں بیٹی کو رخصت کرنے کے آنسو  ہر دیکھنے والوں کو اشکبار کر گئے۔

دوسری جانب قرآنِ پاک کے سائے میں بھائیوں کا اپنی بہن کو رخصت کرنا بہن بھائیوں کی محبت کا منہ بولتا ثبوت تھا۔جبکہ گھر والوں سے دوری کا سوچ کر دلہن کا بھی رونا ہر دیکھنے والوں کے دلوں کو بھاگیا۔

امام اور انمول کی ’ویڈنگ’ ویڈیو نے دھوم مچادی

شادی کی تقریبات کا آغاز 21 نومبر کو ناروے میں مہندی کی تقریب سے ہوا تھا۔

خوبصورت ویڈیو شیئر کرتے ہوئے انمول محمود نے رخصتی کے اس لمحے کو زندگی کا سب سے مشکل ترین لمحہ قرار دیتے ہوئے لکھا کہ،’اپنے پیاروں کو پیچھے چھوڑ کر، محبت اور یادوں سے بھرے دل کے ساتھ نئی شروعات کو قبول کرنا ہر دلہن کے لیے شادی کا مشکل ترین حصہ ہوتا ہے’۔

انمول محمود کی اس ویڈیو کو دیکھنے کے بعد سوشل میڈیا صارفین بہن بھائیوں کی بونڈنگ اور پیار پر پسندیدگی کا اظہار کرتے نظر آرہے ہیں۔