اپنے کامیاب فلمی کریئر کی بدولت دنیا بھر میں اپنا نام بنانے والے بالی وڈ اداکار  شاہ رخ خان نے عالمی سطح پر ایک اور بڑا اعزاز اپنے نام کرتے ہوئے اہم سنگِ میل عبور کرلیا۔

بالی وڈ سپر اسٹار و عالمی آئیکون شاہ رخ خان کو ‘لوکارنو فلم فیسٹیول‘ کے 77 ویں ایڈیشن میں ان کے کامیاب فلمی سفر کی بدولت ‘کیریئر اچیومنٹ ایوارڈ‘ سے نوازا جائے گا۔

لوکارنو فلم فیسٹیول کی انتظامیہ نے فوٹو اینڈ ویڈیو شیئرنگ ایپ انسٹاگرام پر اپنی پوسٹ کے ذریعے اعلان کیا کہ فیسٹیول میں اس سال  ‘کیریئر اچیومنٹ ایوارڈ‘ کے ذریعے بالی ووڈ سپر اسٹار کے شاہ رُخ خان کے شاندار فلمی کریئرکا جشن منایا جائےگا۔

اداکار شا رُخ خان رواں سال 11 اگست کو اوپن ایئر وینیو ‘پیزا گرانڈے‘ میں اپنا ‘کریئر اچیومنٹ ایوارڈ‘ وصول کریں گے۔

 اس موقع پر شائقین کو سنجے لیلا بھنسالی کی ہدایت کاری میں بننے والی کنگ خان کی بلاک بسٹر فلم ‘ دیوداس‘ بھی دکھائی جائے گی۔ 

کنگ خان کی کار کس نے ضبط کی؟ جوہی چاولہ کا انکشاف

اداکارہ نے شاہ ر‘خ خان کے ابتدائی دن مداحوں سے شیئر کردیے

واضح رہے ‘لوکارنو فلم فیسٹیول‘ کے آرٹسٹک ڈائریکٹر ‘ُجیونا اے نزارو‘ نے میڈیا سے بات کرتے ہوئے بتایا تھا کہ شاہ رخ خان جیسے لیونگ لیجنڈ کو لوکارنو میں خراجِ تحسین پیش کرنا انتظامیہ کا دیرینہ خواب تھا جو اب پورا ہونے جارہاہے۔

ان کا مزید کہنا تھا کہ  کنگ خان صرف  بالی وڈ میں ہی نہیں بلکہ  تمام دنیا میں اپنے مداحوں کیلئے بے تاج بادشاہ ہیں اس بات میں کوئی دو رائے نہیں ہے کہ  شاہ رخ خان آج کے دور کے لیجنڈ ہیں۔