بالی وڈ انڈسٹری میں ہم جنس پرستی اور نیپوٹزم کے باعث شہہ سرخیوں کا حصہ رہنے والے بھارتی فلمساز  کرن جوہر نے انکشاف کیا کہ انکے بچے اپنی والدہ سے متعلق  سوالات کرنا شروع ہوگئے ہیں۔

بھارتی میڈیا رپورٹ کے مطابق 2017 میں  سروگیسی کے ذریعے اپنے دو بچوں یش اور روحی کا دنیا میں استقبال کرنے والے کرن جوہر کا کہنا ہے کہ انہوں نے اپنے بیٹے کو ’غیر حساس’ کہنے پر معافی مانگی ہے۔

 ایک حالیہ انٹرویو میں فلمساز نے اس بارے میں کھل کر بتایا کہ کس طرح ان کے بچوں نے ان کی پیدائش کے بارے میں سوالات پوچھنا شروع کر دیے ہیں۔

فلم کے ٹائٹل میں اپنا نام استعمال ہونے پر کرن جوہر ہائی کورٹ پہنچ گئے

میرے نام کا غیر قانونی استحصال کیا جارہا ہے۔

اپنے یوٹیوب چینل پر بھارتی صحافی فائے ڈی سوزا کے ساتھ بات چیت کے دوران کرن نے کہا ’والدین بننا کبھی بھی آسان نہیں ہوتا اور میرے لیے یہ ایک غیر معمولی صورتحال ہے، کیونکہ میرےبچے یہ جاننا چاہتے ہیں کہ انکی والدہ کون ہیں؟’

کرن جوہر کا کہنا تھا کہ’جب میں اپنے بیٹے کو شوگر کھاتے ہوئے دیکھتا ہوں اور میں دیکھتا ہوں کہ اس کا وزن زیادہ ہو گیا ہے، تو میں اس کے لیے بہت بے چین ہو جاتا ہوں۔ میں اس سے یہ نہیں کہنا چاہتا کہ وہ غیر حساس ہے بلکہ  میں چاہتا ہوں کہ وہ خوش رہے کیونکہ وہ ایک  اچھا خوشحال بچہ ہے۔‘

بہو محض 'ٹائم پاس'، کرن جوہر صارف پر برس پڑے

اس طرح کے تبصرے جارحانہ لگتے ہیں

انہوں نے اپنی گفتگو جاری رکھتے ہوئے مزید کہا کہ’میں  اپنے بیٹے سے کہتا ہوں کہ وہ کرکٹ یا فٹ بال کھیلنے جائے اور وہ تمام کام کرے جو میں نے نہیں کیے تھے۔میں چاہتا ہوں کہ میرے دونوں بچے اپنی پسند کی شخصیت بنیں’۔

 واضح رہے کرن جوہر کی جانب سے سروگرویسی اور بچوں کی متوقع پیدائش سے متعلق والدہ کو حمل کے 3 ماہ بعد بتایا گیا تھا۔