پاکستان میں جہاں حالیہ بجٹ کے بعد اشیائے ضروریہ بھاری ٹیکسوں کی زد میں آگئیں ہیں وہیں عوام کے لیے تفریح بھی مہنگی ہوگئی ہے۔

 سندھ بورڈ آف ریونیو (ایس بی آر) نے ویڈیو اسٹریمنگ سروس نیٹ فلکس پر اضافی ٹیکس عائد کر دیا ہے۔

نیٹ فلکس کی سستی ترین سبسکرپشن والے ممالک میں پاکستان سرفہرست

پاکستان میں نیٹ فلکس کی ماہانہ سبسکرپشن فیس 2.82 ڈالر ہے۔

میڈیا رپورٹس کے مطابق ڈیبٹ یا کریڈٹ کارڈ سےپلیٹ فارم کی سبسکرپشن فیس ادا کرنے والے نیٹ فلکس صارفین کو اب آئی ٹی سروسز پر 3 فیصد سیلز ٹیکس ادا کرنا ہوگا۔

اس میں ایف بی آر کے گوشوارے جمع کرانے والے یعنی فائلرز کو انٹرنیشنل ٹرانزیکشن پر 5 فیصد ایڈوانس ٹیکس اور 4 فیصد کارڈ ٹرانزیکشن چارجز اور فیڈرل ایکسائز ڈیوٹی بھی دینی پڑے گی۔

سندھ ریونیو بورڈ کے نافذ کردہ نئے ٹیکس قوانین کے تحت پاکستانی بیکنس اور اسٹیٹ بینک آف پاکستان کے ماتحت دیگر مالیاتی ادارے ’کلیکشن ایجنٹ‘ کے طور پر کام کریں گے۔

پہلی پاکستانی نیٹ فلکس سیریز کے بارے میں وہ سب جو آپ کو جاننا چاہیے

  انٹرٹینمنٹ اسٹریمنگ ویب سائٹ و پروڈکشن کمپنی نیٹ فلیکس پاکستان کی پہلی...

ایس آر بی کی جانب سے لازمی قرار دیا گیا ہے کہ جب بھی نیٹ فلکس صارفین اسٹریمنگ سروس کو ادائیگی کریں تو بینکس اور دیگر پیمنٹ پروسیسنگ کمپنیوں کی جانب سے ہر ادائیگی پر 3 فیصد ٹیکس اکٹھا کیا جائے گا۔

ان قوانین کے تحت  ایس آر بی نے مخصوص سروسز پر 3 فیصد سیلز ٹیکس عائد کیا ہے جن میں نیٹ فلکس سمیت دیگر کلاؤڈ بیسڈ سٹریمنگ پلیٹ فارمز شامل ہیں۔

خیال رہے کہ نئے مالی سال کے فنانس بل 2024 میں اُن ٹیکنالوجی کمپنیوں پر ٹیکس عائد کیا گیا ہے جو پاکستان میں ڈیجیٹل ذرائع سے آمدنی کماتی ہیں۔ 

نیٹ فلکس پاس ورڈ مفت شیئر کرنے والوں کے خلاف کریک ڈاؤن شروع

اگر آپ اسٹریمنگ سروس نیٹ فلکس کے اکاؤنٹ کا پاس ورڈ دوستوں یا رشتے داروں سے شیئر...

لہٰذا نیٹ فلکس بھی پاکستان میں اپنی کاروباری موجودگی کی وجہ سے اپنے صارفین کو چارج کرنے پر ٹیکس ادا کرنے کا ذمہ دار ہے۔

واضح رہے انٹرنیٹ پلیٹ فارم نیٹ فلکس پر صارفین ٹی وی شوز، فلموں اور ڈاکومینٹریز سے لطف اندوز ہوتے ہیں اور اس کی سبسکرپشن کے لیے نیٹ فلکس اپنے صارفین کو 250 سے 1100 روپے تک کے ماہانہ پلانز فراہم کرتا ہے۔