وفاقی حکومت نے 16 جولائی بروز منگل اور 17 جولائی بروز بدھ کو 9 اور 10 محرم الحرام کی مناسبت سے 2 روزہ عام تعطیل کا اعلان کردیا۔

وزیراعظم کی منظوری کے بعد کابینہ ڈویژن نے 2 روزہ تعطیلات کا نوٹیفکیشن بھی جاری کردیا۔

رواں سال عاشورہ کب متوقع ہے؟ تاریخ سامنے آگئی

عاشورہ کو مسلم دنیا میں تاریخی اور روحانی اہمیت حاصل ہے۔

نوٹیفکیشن میں کہا گیا ہے کہ وزیر اعظم شہباز شریف نے عاشورہ (نویں اور دسویں محرم الحرام) کی مناسبت سے 16 اور 17 جولائی کو 2 روز کی چھٹیوں کی منظوری دی ہے۔

محرم کے آغاز کے ساتھ ملک بھر کے مسلمان اس مہینے کے سب سے خاص دن (9 اور 10 محرم) کی تیاریاں شروع کردیتے ہیں جنہیں عاشورہ بھی کہا جاتا ہے۔

میدانِ کربلا میں امام حسین علیہ السلام کی شہادت کی یاد میں عاشورہ کو مسلم دنیا میں تاریخی اور روحانی اہمیت حاصل ہے۔

ذوالجناح کیا ہے اور محرم میں اس کی اتنی اہمیت کیوں ہوتی ہے؟

حضرت امام حسینؓ اور اہلِ بیت کی لازوال قربانیوں کی یاد میں دنیا بھر میں شیعہ...

اس موقع پر تعطیلات کا مقصد اِس بات کو یقینی بنانا ہوتا ہے کہ عاشورہ کی مناسبت سے ماتمی جلوس اور مجالس کا پوری عقیدت کے ساتھ اہتمام کیا جاسکے۔

وفاقی وزارت داخلہ نے محرم الحرام میں سکیورٹی صورتحال کے مد نظر ملک بھر میں فوج تعینات کرنے کا نوٹیفیکیشن بھی جاری کیا ہے۔

وفاقی حکومت نے صوبوں کی درخواست پر فوج کو بطور کوئیک ریسپانس فورس تعینات کرنے کی منظوری دی ہے۔

نئے اسلامی سال کا آغاز کب ہوگا؟ محکمہ موسمیات کی پیشگوئی

محکمۂ موسمیات نے اسلامی کلینڈر کے پہلے مہینے محرم کا چاند 18 جولائی 29 ذی الحج کو...

وزارت داخلہ کے نوٹیفیکیشن کے مطابق صوبوں کو فوج کی تعیناتی کی جگہ اور تعداد کا اختیار ہو گا، فوج کی واپسی سے متعلق فیصلہ اسٹیک ہولڈرز کے درمیان باہمی مشاورت سے کیا جائے گا۔

علاوہ ازیں وفاقی دارالحکومت اسلام آباد، آزاد کشمیر اور گلگت بلتستان میں بھی فوج تعینات کی جائے گی۔