بھارتی اداکار شتروگھن سنہا کے بیٹے لو سنہا نے والدین کی شادی کی سالگرہ پر مبارکباد دیتے ہوئے بہن و اداکارہ سوناکشی سنہا کو نظر انداز کردیا۔

سوناکشی سنہا کی ساتھی اداکار ظہیر اقبال سے بین المذاہب شادی نے جہاں بھارت میں ایک بحث چھیڑ کر رکھی وہیں سنہا فیملی میں بھی تنازعات کی خبریں گردش کرتی دکھیں۔

لو سنہا نے ظہیر کے والد کے مخالف بیان سے 'یو ٹرن' لے لیا

لو سنہا نے معاملے پر مزید گفتگو سے منع کردیا

بعدازاں لو سنہا نے سوشل میڈیا پر جاری پیغام میں یہ اشارہ دیا کہ شادی میں شرکت نہ کرنے کی وجہ ظہیر اقبال کے والد اقبال رتنسی کا سوشل سرکل ہے لیکن پھر اپنے اس بیان کے بعد ایک نیا بیان جاری کرکے دی گئی وجہ کو مشکوک بنادیا۔

اگرچہ لو سنہا نے سوناکشی سنہا سے لڑائی کی تصدیق نہیں کی لیکن شادی میں شرکت نہ کرنے کے بعد اب انکا سوناکشی سنہا کے ساتھ تصویر شیئر نہ کرنا نئے سوال کھڑے کر رہا ہے۔

لَو نے شتروگھن سنہا اور والدہ پونم سنہا کی شادی کی سالگرہ کی مناسبت سے فوٹو اینڈ ویڈیو شیئرنگ ایپ انسٹاگرام پر تصویر بطور اسٹوری شیئر کی جس میں ان کے ساتھ والدین اور جڑواں بھائی کُش سنہا کو دیکھا جاسکتا ہے۔

تاپسی، سوناکشی، پرینیتی اداکاری سے قبل کیا کرتی تھیں؟

بالی وڈ کی مایہ ناز اداکارائیں شوبز میں باقائدہ انٹری دینے سے قبل مختلف شعبہ ہائے...

تصویر پر بطور کیپشن لو سنہا نے لکھا کہ ’ میرے بے مثال والدین کو شادی کی سالگرہ مبارک، ہم آپ کے ہاں پیدا ہونا ہمارے لیے ایک بہت بڑی نعمت ہے اور آپ کے ساتھ گزارے ہر ایک لمحے پر ہمیں شکرگزار ہیں‘۔

لو سنہا کی جانب سے جاری کی گئی اس فیملی فوٹو میں سوناکشی سنہا کا نہ ہونا سوشل میڈیا صارفین کی آنکھوں میں کھٹک گیا اور سوشل میڈیا پر صارفین مختلف تبصرے بھی کرتے دکھے۔