سپریم کورٹ نے سنی اتحاد کونسل کی مخصوص نشستوں کے کیس کا محفوظ شدہ فیصلہ سناتے ہوئے پشاور ہائی کورٹ اور الیکشن کمیشن کا فیصلہ کالعدم قرار دے دیا۔

14مارچ کو پشاور ہائی کورٹ کے 5 رکنی لارجر بینچ نے متفقہ طور پر سنی اتحاد کونسل کی مخصوص نشستیں نہ ملنے کے خلاف درخواست کو مسترد کر دیا تھا۔

عمر ایوب پی ٹی آئی کے جنرل سیکریٹری کے عہدے سے مستعفی

بانی پی ٹی آئی عمران خان کا بے حد مشکور ہوں، عمر ایوب

چیف جسٹس پاکستان قاضی فائز عیسیٰ کی سربراہی میں 13 رکنی لارجز بینچ نے سنی اتحاد کونسل کی مخصوص نشستوں سے متعلق کیس کا فیصلہ 9 جولائی کو محفوظ کیا تھا۔

لارجر بینچ میں چیف جسٹس کے علاوہ جسٹس منیب اختر، جسٹس منصور علی شاہ، جسٹس اطہر من اللہ، جسٹس عائشہ ملک، جسٹس شاہد وحید، جسٹس اظہر حسن رضوی شامل تھے۔

اس کے علاوہ جسٹس یحیٰ آفریدی، جسٹس جمال مندوخیل، جسٹس محمد علی مظہر، جسٹس عرفان سعادت، جسٹس نعیم افغان اور جسٹس امین الدین بھی بینچ کا حصہ تھے۔

فیصلہ جسٹس منصور علی شاہ نے تحریر کیا، جسٹس قاضی فائز عیسٰی نے بتایا کہ فیصلہ 5 کے مقابلے 8 ججز کی اکثریت سے تحریر کیا گیا۔

پاکستان تحریک انصاف کے قیام کو 28 سال مکمل

پارٹی کی بنیاد عمران خان نے 25 اپریل 1996 کو رکھی تھی۔

سنی اتحاد کونسل کی مخصوص نشستوں سے متعلق فیصلہ سنانے سے قبل فل کورٹ کے دو اجلاس بھی منعقد ہوئے تھے۔

جسٹس منصور علی شاہ نے فیصلہ سناتے ہوئے سنی اتحاد کونسل کی مخصوص نشستوں سے متعلق الیکشن کمیشن اور پشاور ہائی کورٹ کے فیصلوں کو کالعدم قرار دیا۔

 انہوں نے کہا کہ الیکشن کمیشن کا فیصلہ آئین کے خلاف ہے، انتخابی نشان کا نہ ملنا کسی سیاسی جماعت کو انتخابات سے نہیں روکتا، پاکستان تحریک انصاف ایک سیاسی جماعت تھی اور ہے۔

سپریم کورٹ نے خواتین اور اقلیتوں کی مخصوص نشستیں پی ٹی آئی کو دینے کا حکم جاری کرتے ہوئے کہا کہ پی ٹی آئی مخصوص نشستوں کے حصول کی حقدار ہے۔

'جیل میں مرنے کیلئے تیار ہوں'، عمران خان کی بھوک ہڑتال کی دھمکی

وقت کے یزید کی کبھی غلامی نہیں کروں گا، بانی پی ٹی آئی

ساتھ ہی عدالت نے ہدایت کی کہ پی ٹی آئی اس فیصلے کے 15 روز کے اندر مخصوص نشستوں کے لیے اپنے اراکین کے نام جمع کرائے۔

فیصلے میں کہا گیا ہے کہ پنجاب، خیبرپختونخوا اور سندھ میں مخصوص نشستیں پی ٹی آئی کو دے دی جائیں۔

یاد رہے کہ 4 مارچ کو پاکستان تحریک انصاف نے مخصوص نشستیں الاٹ نہ کرنے کے الیکشن کمیشن آف پاکستان کے فیصلے کو ’غیر آئینی‘ قرار دیتے ہوئے سپریم کورٹ میں چیلنج کرنے کا اعلان کیا تھا۔