بھارت کے معروف بزنس ٹائیکون مکیش امبانی کے صاحبزادے اننت امبانی کی شادی کی تقریب میں بھارت سمیت دنیا بھر سے مشہور شخصیات کی آمد کا سلسلہ جاری ہے۔

حال ہی میں عالمی شہرت یافتہ بیوٹی انفلوئنسر ‘کارڈیشین سسٹرز ‘کِم اور کلوئی‘  اننت امبانی اور رادھیکا مرچنٹ کی شاندار شادی کی تقریب میں شرکت کیلئے بھارت پہنچی ہیں۔

اننت امبانی کا رادھیکا کو گلے لگانے کا جذباتی لمحہ وائرل

اننت اور راھیکا کی شادی اختتامی مراحل میں داخل ہوگئی

 12 جولائی کی شام سے شروع ہونے والی اننت اور رادھیکا کی ‘شبھ ویواہ‘ کی رسم سے پہلے کارڈیشین سسٹرز کو ممبئی میں کوالٹی ٹائم گزارتے ہوئے دیکھا جاسکتا ہے۔ 

کِم کارڈیشین کی بہن کلوئی کارڈیشین کی جانب سے فوٹو اینڈ ویڈیو شیئرنگ ایپ انسٹاگرام پر ممبئی سے ایک ویڈیو  شیئر کی گئی ہے جس میں دونوں بہنوں کو رکشہ کی سواری کرتے دیکھا جاسکتا ہے۔

انسٹاگرام پر جاری ویڈیو میں کِم اور کلوئی کو ماتھے پر تلک لگائے  مغربی لباس میں ملبوس ہوکر  چلتے ہوئےرکشہ میں سوار دیکھا جاسکتا ہے ۔

ویڈیو کے کیپشن میں کلوئی کی جانب سے لکھا گیا کہ‘کِم اور میں بھارت پہنچ گئے ہیں اور ابھی ہم ایک رکشے میں سوار ہیں‘۔ ویڈیو میں دونوں بہنوں کو ممبئی پہنچ کر خوب انجوائے کرتے ہوئے دیکھا جاسکتا ہے۔

ویڈیو کے کمنٹ سیکشن میں کارڈیشین سسٹرز کے بھارتی مداح ‘کِم اور کلوئی‘ کو ویلکم کہتے نظر آہے ہیں۔

اننت رادھیکا شادی، کارڈیشین سسٹرز کا ممبئی میں پرتپاک استقبال

امبانی خاندان نے دنیا بھر سے اہم شخصیات کو مدعو کیا ہے۔

واضح رہے مشہور سوشل میڈیا انفلوئنسر ‘کارڈیشین سسٹرز‘ 11 جولائی کو بھارت پہنچی تھیں جن کا ممبئی کے تاج محل ہوٹل پہنچنے پر شاندار استقبال کیا گیا۔