بالی وڈ اداکار اکشے کمار اپنے والد کو یاد کرکے آبدیدہ ہوگئے۔

اداکار اکشے کمار نے حال ہی میں  بھارتی میڈیا کو انٹرویو دیتے ہوئے والد کی موت کے ناقابل فراموش لمحات پر گفتگو کی۔

اکشے کمار  ان دنوں سینما گھروں کی زینت بننے والی فلم  ’سرپھرا’ کی کامیابیاں سمیٹنے میں مصروف دکھائی دے رہے ہیں۔

اسی حوالے سے بات کرتے ہوئے اداکار نے فلم میں ایکش سین کرنے کا اپنا حیران کن تجربہ بھی مداحوں سے شیئر کردیا۔

اکشے کمار کی فلم ’سرپھرا’ دھوم مچانے کو تیار

'سرپھرا' 12 جولائی کو سینما گھروں میں ریلیز ہوگی

اکشے کمار نے حالیہ انٹرویو میں انکشاف کیا ہے کہ انہوں نے اپنی فلم 'سرپھرا' میں اداکاری کرنے کے لیے اپنے جذباتی تجربات سے کام لیا۔ 

انہوں نے بتایا کیا کہ،’فلم میں بہت سی چیزیں ایسی ہیں جن سے میرا گہرا تعلق ہے۔سچ پوچھیں تو  جب میں نے فلم میں جذباتی سین شوٹ کیا تو میں اپنے والد کی موت کو یاد کرتے ہوئے صدمے میں چلا گیا تھا۔’

اکشے کمار نے بتایا کہ،’فلم کے ایک سین میں آپ لوگ بھی میرے جذبات کا اندازہ کرسکتے ہیں کیونکہ اس لمحے یہ آنسو میرے حقیقی آنسو تھے۔کیونکہ اس صدمے سے باہر آنا آسان نہیں ہے۔ ’

اکشے کمار کی ’تیلگو’ سینما میں دبنگ انٹری

اکشے کمار،وشنو مانچو کی بگ بجٹ فلم ’کناپا’ کی کاسٹ میں شامل ہوگئے

یاد رہے کہ فلم ’سرپھرا’ 12 جولائی کو سینما گھروں کی زینت بنی تھی اگرچہ کہ فلم کی ریلیز کے پہلے روز بہت کم ٹکٹ فروخت ہوئے لیکن مثبت ریویوز کے بعد فلم کا بزنس بڑھنے کا امکان ہے۔

علاوہ ازیں ایوارڈ یافتہ ڈائریکٹر سودھا کونگارا کی ہدایت کاری میں بننے والی فلم   ’سرپھرا‘ میں اکشے کے ساتھ رادھیکا مندن اور پریش راول بھی شامل ہیں۔

اس فلم کی کہانی ایک ایسے شخص کے گرد گھومتی  ہے جو کم آمدنی والے لوگوں کے لیے سستی ایئر لائنز بنانے کا ارادہ رکھتا ہے۔