انٹرنیشنل کرکٹ کونسل (آئی سی سی) نے کھلاڑیوں کی نئی ٹیسٹ رینکنگ جاری کردی جس میں قومی کرکٹر بابر اعظم تیسرے نمبر پر موجود ہیں اور باؤلنگ میں شاہین شاہ آفریدی کا نواں نمبر ہے۔

بابر اعظم ناکام کپتان، ٹیم کوئی آئی سی سی ایونٹ نہیں جیت سکی

امریکا میں خراب کارکردگی نے کروڑوں شائقین کو افسردہ کردیا۔

ٹیسٹ کی بیٹنگ رینکنگ میں کین ولیمسن پہلے، انگلینڈ کے جو روٹ دوسرے اور پاکستان کے بابر اعظم تیسرے نمبر پر براجمان ہیں۔

ہیری بروک تین درجے بہتری کے بعد ساتویں نمبر پر آ گئے ہیں، تاہم بھارت کے یشسوی جیسوال، سری لنکا کے دمتھ کرونارتنے اور ویرات کوہلی ایک، ایک درجہ تنزلی کے بعد بالترتیب آٹھویں، نویں اور دسویں نمبر پر پہنچ گئے ہیں۔

ٹیسٹ کی باؤلنگ رینکنگ میں کوئی تبدیلی نہیں آئی اور بھارت کے روی چندرن ایشون بدستور پہلے نمبر پر موجود ہیں۔

شاہین، بابر، رضوان کے اختلافات دور کرنے کیلئے 2 سابق کرکٹرز متحرک

تینوں کرکٹرز کی سابق کپتان کے گھر ملاقات کا بھی امکان

آسٹریلیا کے جوش ہیزل وُڈ دوسرے، بھارت کے جسپریت بمراہ تیسرے، حال ہی میں ریٹائر ہونے والے جیمز اینڈرسن آٹھویں جبکہ شاہین شاہ آفریدی نویں نمبر پر موجود ہیں۔

ٹیسٹ کی ٹیموں کی درجہ بندی میں آسٹریلیا کی ٹیم بھارت کو نیچے دھکیل کر پہلی پوزیشن پر براجمان ہو گئی ہے۔

بھارت کی ٹیم دوسرے، انگلینڈ تیسرے، جنوبی افریقہ چوتھے، نیوزی لینڈ پانچویں اور پاکستان چھٹے نمبر پر موجود ہے۔

'بابر اعظم کو سپورٹ کم ملتی ہے، تنقید زیادہ ہوتی ہے'

بابر جیسا کھلاڑی آسٹریلیا میں ہوتا تو ہم اسے سپورٹ کرتے، آسٹریلوی کوچ

قبل ازیں آئی سی سی نے تازہ ترین ٹی20 رینکنگ بھی جاری کی تھی جس کے مطابق بابر اعظم اور رضوان اپنی اپنی پوزیشنز پر برقرار ہیں۔

بابراعظم اور محمد رضوان ٹی20 فارمیٹ میں بالترتیب 755 اور 746 ریٹنگ کے ساتھ چوتھے اور پانچویں نمبر براجمان ہیں۔