امریکی صدر جو بائیڈن کے امریکی صدارتی دوڑ سے باہر ہونے کی صحیح تاریخ کی پیش گوئی کرنے والی نجومی ایمی ٹرپ نے اب پیش گوئی کر دی ہے کہ اگلا امریکی صدر کون ہو گا۔

غیر ملکی میڈیا کی ایک رپورٹ میں کہا گیا ہے کہ وہ ڈونلڈ ٹرمپ کو امریکا کے اگلے صدر کے طور پر دیکھ رہی ہیں۔

یہ پوچھے جانے پر کہ ستاروں کا کیا کہنا ہے کہ اگلا کمانڈر ان چیف کون ہوگا، ایمی ٹرپ، جو انسٹاگرام پر خود کو 'انٹرنیٹ کی سب سے بدنام زمانہ نجومی' قرار دیتی ہیں، نے کہا کہ ٹرمپ کا سورج ان کے کیرئیر کے پینٹ ہاؤس میں ہے، جو کہ حقیقی زندگی کے لیے بالکل موزوں ہے۔

بائیڈن صدارتی دوڑ سے دستبردار، کملا ہیرس کی حمایت کا اعلان

میری دستبرداری پارٹی اور ملک کے بہترین مفاد میں ہے، بائیڈن

انہوں نے مزید کہا کہ تاہم ٹرمپ کے پاس مزید 'پاگل کردینے والی چیزیں آنے والی ہیں'۔

ایمی ٹرپ نے کہا کہ 'یورینس اپنے وسط آسمان پر ہے، جو ظاہر کرتا ہے کہ ان کے کیریئر اور اہداف کے ساتھ غیر متوقع صورتحال ہے'۔

اس سے قبل ایمی ٹرپ نے پیش گوئی کی تھی کہ جو بائیڈن صدارتی انتخاب سے علیحدگی اختیار کرلیں گے۔

11 جولائی کو ایک ایکس پوسٹ میں ایمی ٹرپ نے لکھا تھا کہ 'اگر بائیڈن کو عہدہ چھوڑنے پر مجبور کیا جاتا ہے تو وہ 29 ڈگری کیپریکون پر پورا چاند ہوگا، کیپریکون حکومت اور بڑھاپے پر حکومت کرتا ہے۔

ڈونلڈ ٹرمپ انتخابی ریلی کے دوران 'قاتلانہ حملے' میں زخمی

گولی ٹرمپ کے کان کو چھوتی ہوئی نکل گئی۔

جب ایک فالوور نے ان سے صحیح تاریخ پوچھی تو انہوں نے بتایا تھا کہ 21 جولائی۔

ستاروں کی چال پڑھنے والی خاتون نے بائیڈن کو اس سے الگ ہوتے ہوئے دیکھا کیونکہ یہ پورا چاند تھا۔

11 اگست 2020 کو ایمی ٹرپ نے پیش گوئی کی تھی کہ نائب صدر کملا ہیرس 2024 میں صدر کے لیے انتخاب لڑیں گی۔

رپورٹ کے مطابق ایمی ٹرپ نے یہ بھی پیشی گوئی کی تھی کہ امریکہ ایک سخت اگست کے لیے تیار ہو سکتا ہے، جس کے دوران ممکنہ طور پر زیادہ سیاسی تشدد ہو گا۔