سلفیٹ کو محدود کرنے والی بہت سی چٹانیں ہیں، جو کیمیکل سے بنے نمک کی ایک قسم ہے، لیکن یہ پہلا موقع ہے جب کسی نے پیلے رنگ کے خالص گندھک کے کرسٹل کو دریافت کیا ہے۔

 ناسا کی خلائی گاڑی کیوروسٹی روور نے حادثاتی طور پر مریخ پر نایاب گندھک کے کرسٹلز دریافت کرڈالے ہیں۔

میڈیا رپورٹس کے مطابق تقریباً ایک دہائی سے ناسا کا کیوروسٹی روور ماؤنٹ شارپ کے دامن پر چڑھ رہا ہے، جو مریخ پر ایک بہت بڑا پہاڑ ہے اور ایک قدیم گڑھے کے اوپر کھڑا ہے۔ 

پچھلے کچھ سالوں میں، چار ٹانگوں والے روور نے کرہ ارض کے بارے میں بہت سی چیزوں کو دریافت کیا ہے، لیکن یہ پہلا موقع ہے جب گاڑی نے خالص سلفر یعنی گندھک سے بنی چٹانوں سے ٹھوکر کھائی ہے۔

چاند پر ریلوے اسٹیشن ، ناسا کا اعلان

ناسا ایسے منصوبوں پر کام کرے گا جو سائنس فکشن جیسے تصورات ہیں۔

مریخ پر خالص سلفر کے کرسٹلز اس وقت دریافت ہوئے جب ناسا کی خلائی گاڑی کے پیہوں نے چھوٹے پتھروں کو توڑ دیا، جس کے بعد اندر سے پیلے رنگ کے کرسٹل نمودار ہوئے جو پہلے کبھی بھی سیارے پر نہیں دیکھے گئے تھے۔ ناسا کا کیوروسٹی مارس روور نادانستہ طور پر ایک چٹان نما چھوٹے پتھر پر چڑھ گیا جس سے وہ چٹان ٹوٹ گئی اور خالص سلفر کرسٹلز دریافت ہوئے۔

ناسا کے مطابق خالص گندھک کی دریافت کیوروسٹی کی طرف سے بنائی گئی متعدد چیزوں میں سے ایک ہے، کیوروسٹی کا مشن اس بات کا مطالعہ کرنا ہے کہ سرخ سیارے کے خطہ میں جرثوموں کو برقرار رکھنے کے لیے ضروری غذائی اجزا کہاں اور کب ہوسکتے ہیں اور یہ کہ پہاڑ کی ہر تہہ ہمیں سیارے کی تاریخ کی ایک جھلک دیتی ہے۔

بھارتی نژاد خاتون سمیت 2 خلا باز خلا میں پھنس گئے

8 روزہ مشن خرابی کے باعث 50 دن سے زیادہ طویل ہوگیا۔

بالکل اسی طرح گندھک کی موجودگی کا بھی پتا چلا جب روور مریخ کے ایک مخصوص خطے کا جائزہ لے رہا تھا تو چٹان کے اوپر چڑھنے سے اس میں شگاف پڑ گیا، کیمروں نے اس پر توجہ مرکوز کی تو سائنسدانوں نے چٹان کے اندرونی حصوں میں چمکتے ہوئے عجیب پیلے کرسٹل دیکھے۔

یہ کرسٹلز بہت چھوٹے اور نازک تھے جنہیں روور مناسب طریقے سے سنبھال نہیں سکتا تھا۔ جب روبوٹ نے ایک اور قریبی چٹان میں سوراخ کیا تو اس کے بعد ان کرسٹلز کی خالص گندھک کے طور پر شناخت ہوئی۔

ناسا کا نیا خواب، 2040ء میں چاند پر گھر

امریکی خلائی ادارے ناسا نے تعمیراتی ٹیکنالوجی کمپنی کو 2040 ء تک چاند پر گھر بنانے...

ناسا کے مطابق خالص گندھک سے بنے کرسٹلز کو تلاش کرنا صحرا میں نخلستان تلاش کرنے کے مترادف ہے۔

 عجیب اور غیر متوقع چیزوں کا دریافت کرنا سیاروں کی تلاش کو بہت پرجوش بناتا ہے۔ ناسا ایسی مزید نئی دریافتوں کے لیے ہمیشہ کوشاں رہتا ہے اور وقتاً قوقتاً کامیابی بھی حاصل ہوتی ہے۔