سابقہ پاکستانی اداکارہ نیمل خاور نے اپنے شوہر و اداکار حمزہ علی عباسی کے ساتھ مصوّری کی نمائش کے موقع پر لی گئیں دلکش تصاویر سوشل میڈیا کی زینت بنادیں۔

سال 2017 میں ہدایتکار شعیب منصور کی فلم ’ورنہ‘ سے اداکاری کی دنیا میں قدم رکھنے والی نیمل خاور نے سال 2019 میں  ڈراما 'انا' میں ’ایزا‘ نامی کردار ادا کیا۔

عثمان مختار کو نیمل خاور کی یاد ستانے لگی

عثمان مختار نے نیمل خاور کے ساتھ ’انا‘ کی یادیں تازہ کردیں

ڈرامے میں نیمل خاور کے مدِ مقابل اداکار عثمان مختار کو کاسٹ کیا گیا جن کے ساتھ نیمل خاور کی جادوئی کیمسٹری مداحوں کو بے حد پسند آئی لیکن 2019 میں ہی نیمل خاور نے حمزہ علی عباسی سے شادی کرلی جن سے انکا ایک بیٹا محمد مصطفیٰ عباسی ہے۔

نیمل خاور نے شادی کے بعد اداکاری کی دنیا کو خیرباد کہہ دیا اور اپنی ازدواجی زندگی میں بے حد خوش نظر آئیں۔

19 سالہ لڑکے کا نیمل خاور کو انوکھا مشورہ

نیمل خاور کو 19 سالہ لڑکے نے حیران کردیا

گزشتہ 5 سالوں سے یہ جوڑی اپنی چھوٹی بڑی خوشی کو بھرپور انداز میں سیلیبریٹ کرتی آرہی ہے جن میں دونوں کی سالگرہ اور شادی کی سالگرہ شامل ہیں۔

نیمل خاور نے حال ہی میں فوٹو اینڈ ویڈیو شیئرنگ ایپ انسٹاگرام پر چند تصاویر جاری کیں  جو انکی اپنی پینٹنگس کی نمائش کے موقع پر لی گئی ہیں۔

انسٹاگرام پر جاری کی گئیں تصاویر میں سے ایک میں نیمل خاور اپنی پینٹنگس کے ساتھ پوز دیتی دکھیں جبکہ ایک اور تصویر میں ان کے ساتھ حمزہ علی عباسی کو بھی دیکھا جاسکتا ہے۔

اس پوسٹ کے کمنٹ سیکشن میں جہاں مداح ان کے فن کی پذیرائی کرتے دکھے وہیں نیمل خاور اور حمزہ علی عباسی کی خوبصورت جوڑی پر بھی محبت کی برسات کرنے میں کوئی کنجوسی نہیں کرتے نظر آئے۔

بیٹے کی سالگرہ، نیمل اور حمزہ کے رشتے پر سوال اٹھواگئی

بیٹے کی سالگرہ پر حمزہ علی عباسی کی عدم موجودگی کی وجہ کیا؟

یاد رہے کہ رہے کہ چند روز قبل نیمل خاور نے اپنے بیٹے محمد مصطفیٰ کی چوتھی سالگرہ کے جشن کی تصاویر اور ویڈیوز سوشل میڈیا پر جاری کی تھیں جن میں انکے دوست و رشتے داروں کو دیکھا گیا لیکن حمزہ علی عباسی موجود نہیں تھے۔

مذکورہ پوسٹس کے کمنٹ سیکشن میں مداح حمزہ علی عباسی کی عدم موجودگی کی وجہ پوچھتے نظر آئے تھے جبکہ اداکارہ کیپشن میں یہ اشارہ دے چکی تھیں کہ حمزہ کسی مجبوری کے سبب ساتھ نہیں لیکن وہ دور ہو کر بھی ساتھ ہیں۔