شاہ رخ خان نے 77ویں لوکارنو فلم فیسٹیول میں کریئر اچیومنٹ ایوارڈ حاصل کر کے تاریخ رقم کردی، وہ پہلے بھارتی اداکار ہیں جنہیں اس اعزاز سے نوازا گیا۔

سوئٹزر لینڈ میں منعقد ہونے والے اس فیسٹیول میں کنگ خان کی انٹری اور تقریر کی ویڈیوز اور تصاویر سے سوشل میڈیا بھرا پڑا ہے۔

لوکارنو فلم فیسٹول میں کنگ خان کی مزاح سے بھرپور تقریر وائرل

شاہ رخ خان کو 77ویں لوکارنو فلم فیسٹیول میں کریئر اچیومنٹ ایوارڈ سے نوازا گیا۔

ایسے میں ایک ویڈیو ایسی بھی سامنے آئی جو بالی وڈ اداکار پر تنقید کی وجہ بن گئی۔

وائرل کلپ میں شاہ رخ خان کو فوٹوگرافرز کو تصاویر کے لیے پوز دیتے ہوئے ریڈ کارپٹ سے ایک شخص کو دھکا دیتے ہوئے دیکھا جاسکتا ہے۔

کلپ میں دیکھا گیا کہ سپر اسٹار کیمروں کے سامنے پوز دیتے ہیں تو فوٹوگرافرز ان کے قریب موجود شخص کو وہاں سے ہٹنے کا کہتے ہیں۔

اسی اثنا میں شاہ رخ اس شخص کے قریب جاتے ہیں اور اسے ہاتھ سے تھوڑا سا دھکیل کر پیچھے کردیتے ہیں۔

لوکارنو فلم فیسٹیول میں شاہ رخ خان کے نام اہم اعزاز

اداکار کو ’پاردو ایلا کوریرا‘ ایوارڈ سے نوازا گیا

اداکار کی اس حرکت کو کچھ مداحوں نے ان کا شرارتی انداز قرار دیا تو کچھ نے اس رویے پر انہیں سخت تنقید کا نشانہ بنایا۔

اداکار کا دفاع کرنے والوں نے ناقدین کے الزامات کو بے بنیاد قرار دیتے ہوئے اس بات پر زور دیا کہ وہ لوگوں سے عزت و احترام کا رویہ رکھنے کے حوالے سے مشہور ہیں۔

اس کے علاوہ کچھ مداحوں نے ایک اور ویڈیو کلپ بھی شیئر کیا جس میں وہ فیسٹیول کے مقام پر انہی بزرگ اور دیگر افراد کے ہمراہ داخل ہوتے ہوئے دکھائی دے رہےہیں۔

جس سے ظاہر ہورہا ہے کہ وہ بزرگ شاہ رخ کی ٹیم کا ہی حصہ ہیں یا پھر اداکار انہیں اچھی طرح جانتے ہیں اور ان کے ہنسی مذاق کرتے ہیں۔

ایوارڈ وصول کرنے کے بعد انہوں نے ایک بے ساختہ اور مزاح سے بھرپور تقریر کی ساتھ ہی اس اعزاز کے لیے فیسٹیول کمیٹی کا شکریہ بھی ادا کیا۔