بالی وڈ فلموں کے بے  تاج بادشاہ شاہ رُخ خان نے اپنے کریئر کا ایک اور سنگ میل عبور کرتے ہوئے اپنے کام کی بدولت  عالمی سپر اسٹار  کا خطاب حاصل کرلیا۔

شاہ رخ خان بزرگ کو دھکا دینے پر تنقید کا نشانہ بن گئے

اداکار ریڈ کارپٹ سے اپنے قریب کھڑے شخص کو ہٹاتے نظر آئے۔

بالی وڈ کنگ شاہ رُخ خان کو  حال ہی میں 77 ویں لوکارنو فلم فیسٹیول میں ان کے فلمی کریئر کے عوض ایک شاندار اعزاز  ‘پارڈو آلا  کیریرا‘ ایوارڈ سے نوازا گیا۔
کنگ خان کو ملنے والا یہ ایوارڈ بالی وڈ میں ان کی شاندار  کریئر اور جاندار اداکاری کے اعتراف میں دیا گیا۔ 

اسی اداکاری کی بدولت اداکار شاہ رُخ خان نے عالمی سینیما کے معروف  ستاروں کی فہرست میں اپنا نام  درج کروالیا۔

ہندوستانی سنیما کے لیے ایک قابل فخر لمحہ

لوکارنو فلم فیسٹیول کی تقریب 11 اگست کو سوئٹزرلینڈ کے اوپن ایئر وینیو ‘پیزا گرانڈے‘ میں منعقد ہوئی۔ 

یہاں 8 ہزار سے زیادہ مداح  دنیا بھر سے آئے اپنے پسندیدہ لیجنڈری اداکاروں کو ایوارڈ ملنے کے لمحے کا بیتابی سے انتظار کررہے تھے۔

شاہ رخ خان کریئرکا سب سے بڑا ایوارڈ لینے کو تیار

اداکار کو ‘لوکارنو فلم فیسٹیول‘ میں کیریئر اچیومنٹ ایوارڈ سے نوازا جائے گا۔

تقریب میں اداکار شاہ رخ خان کو ‘پارڈو آلا کیریرا‘ ایوارڈ سے نوازا گیا جو کہ ہندوستانی سینیما کے لیے  ایک تاریخی کارنامہ ہے کیونکہ کنگ خان  لوکارنو فلم فیسٹیول میں اس اعزاز سے نوازے جانے والے پہلے بھارتی  اداکار  ہیں۔

شاہ رُخ خان کا تقریب سے خطاب

ایوارڈ ملنے کے بعد اپنی اسپیچ میں شاہ رُخ خان کا کہنا تھا کہ ‘یہ ایوارڈ حاصل کرکے مجھے بے انتہا خوشی ہوررہی ہے۔ 

انہوں نے کہا کہ میں سوئٹزرلینڈ آ کر بہت خوش ہوں اور واقعی بہت پرجوش بھی ہوں اس تقریب کے توسط سے میں اپنے تمام مداحوں کا شکریہ ادا کرنا چاہتا ہوں جنہوں نے مجھے ہمیشہ سپورٹ کیا‘۔ 

واضح رہے ایوارڈ کی تقریب سے  شائقین کو سنجے لیلا بھنسالی کی ہدایت کاری میں بننے والی کنگ خان کی بلاک بسٹر فلم ‘ دیوداس‘ بھی دکھائی گئی تھی۔