بیسن (چنے کا آٹا) کا شمار اُن قدرتی اجزاء میں ہوتا ہے جو کیل مہاسوں، جلد کے داغ دھبوں اور دیگر مسائل کے حل کے لیے انتہائی مفید سمجھے جاتے ہیں۔ بیسن کی یہ خاصیت اسے قدیم زمانے سے حسن و خوبصورتی کے لیے ایک لازمی جزو بنائے رکھتی ہے۔ 

ماحولیاتی آلودگی اور جلد پر جمے میل کچیل کو صاف کرنے کی بے پناہ صلاحیتیں بیسن میں موجود ہیں۔ یہ نہ صرف جلد کی گہرائی تک صفائی کرتا ہے بلکہ ایک بہترین ایکسفولیٹر (جلد کو صاف کرنے والا) بھی ہے۔ قدیم زمانے میں دلہنوں کو خاص طور پر بیسن سے اسکرب کیا جاتا تھا تاکہ ان کی جلد قدرتی طور پر چمک اٹھے۔

چہرے پر بیسن لگائیں ، خوبصورتی پائیں

خواتین جہاں اپنی جلد کی حفاظت کیلئے مہنگی سے مہنگی کریموں پر ہزاروں روپے کا ضیاع...

بیسن کے استعمال سے آپ بھی وہی قدرتی چمک حاصل کر سکتے ہیں جو پرانے وقتوں کی دلہنوں کی خصوصیت تھی۔ دلہنوں کے اسکرب میں بیسن کے ساتھ چاول کا آٹا، پسے ہوئے بادام، دہی اور ہلدی شامل کی جاتی تھی۔ 

اس مکسچر سے تیار کردہ اسکرب جسم کو صاف اور نرم و ملائم بنا دیتا تھا۔ اسی لیے، قدرتی چمک کے حصول کے لیے بیسن آج بھی ایک اہم جزو سمجھا جاتا ہے۔

بیسن خشک جلد کے لیے بھی نہایت مفید ہے۔ اگر آپ کی جلد خشک ہے تو 2 کھانے کے چمچ بیسن میں دودھ یا بالائی، شہد اور ایک چٹکی ہلدی شامل کر کے پیسٹ تیار کریں۔

گردن کو دلکش کیسے بنائیں ؟

اپنی خوبصورتی کو برقرار رکھنے کی خواہش مند خواتین کو چاہیے کہ چہرے کی طرح اپنی...

 اس پیک کو چہرے پر 15 منٹ کے لیے لگائیں اور پھر پانی سے دھولیں۔ یہ فیس پیک جلد کو نمی فراہم کرتا ہے اور اسے نرم و ملائم بناتا ہے۔

چکنی جلد کے لیے بھی بیسن انتہائی مؤثر ہے۔ بیسن اضافی تیل کو جذب کرنے کی صلاحیت رکھتا ہے اور جلد کو چمکدار بناتا ہے۔ ایک سادہ فیس پیک تیار کرنے کے لیے بیسن میں چند قطرے عرق گلاب شامل کریں اور اس کو چہرے اور گردن پر لگائیں۔ جب یہ خشک ہو جائے تو نیم گرم پانی سے دھولیں۔ اس پیک کو آپ دودھ یا دہی کے ساتھ بھی ملا کر استعمال کر سکتی ہیں۔

گھر پر بہترین فیشل کیسے کیا جائے؟

اُمورِ خانہ داری میں اُلجھی، تھکی ماندی اکثر خواتین کو بیوٹی پارلرز جانے کا وقت...

کیل مہاسے اور دانوں کے لیے بیسن کے فیس پیک کو روزانہ کی بنیاد پر استعمال کریں۔ شہد میں موجود جراثیم کش خصوصیات کی وجہ سے ایکنی اور پمپلز کا علاج ممکن ہے۔ آپ بیسن میں صندل پاوڈر، ہلدی پاوڈر اور عرق گلاب مکس کر کے ایک پیک بنا سکتی ہیں۔ اس کے باقاعدہ استعمال سے آپ ایکنی اور پمپلز سے نجات پا سکتی ہیں۔

جلد کے داغ دھبوں کے لیے بیسن میں کھیرے کا رس شامل کر کے پیسٹ تیار کریں اور اسے چہرے پر لگائیں۔ جب یہ خشک ہو جائے تو نیم گرم پانی سے دھولیں۔ یہ پیک دن میں ایک بار لگانے سے داغ دھبوں کو مٹانے میں مددگار ثابت ہو گا۔

کھیرے کے ماسک سے چہرے کی رونق بڑھایئے

کھیرے سے گھریلو ماسک تیار

جھلسی ہوئی جلد کے لیے بیسن، لیموں کا رس اور ہلدی کو ملا کر ایک پیسٹ تیار کریں اور اس میں عرق گلاب شامل کریں۔ اس پیک کو چہرے پر لگائیں اور خشک ہونے کے بعد دھولیں۔ اس کا روزانہ استعمال آپ کی رنگت کو نکھارنے اور جلد کو دلکش بنانے میں مدد کرے گا۔

بیسن کا یہ سادہ اور قدرتی استعمال آپ کی جلد کی خوبصورتی کو نکھارنے کے لیے بہترین طریقہ ہے۔