پاکستانی اداکارہ لائبہ خان اور علی انصاری نے ڈرامے میں فلمائے جانے والے رومانوی سینز سے متعلق اہم انکشافات کردیے۔

پاکستانی ڈرامے اپنی حقیقت پسند کہانی اور دلکش اسٹار کاسٹ کے علاوہ اس سبب بھی پسند کیے جاتے ہیں کیونکہ اس میں رومانس کا عنصر دیگر ممالک کے ڈراموں کے مقابلے میں کم ہوتا ہے لیکن گزشتہ ایک سال سے پاکستانی ڈراموں میں بھی بھارتی فلموں اور ڈراموں کے طرز کا رومانس دکھایا جانے لگا ہے۔

دانش تیمور اور حبا بخاری ڈرامے میں تمام حدیں پار کرگئے

دانش تیمور اور حبا بخاری کا ڈرامے میں نازیبا سین تنقید کی زد میں

ڈراما ’تیرے بن‘ میں یمنی زیدی اور وہاج علی کے درمیان رومانس دکھایا گیا جبکہ ’ جان نثار‘ میں میں حبا بخاری اور دانش تیمور کے درمیان ایسے سین فلمائے گئے۔

ان دنوں علی انصاری اور لائبہ خان ڈراما ’کفارہ‘ میں بطور جوڑی اداکاری کے جوہر دکھا رہے ہیں اور ان کے درمیان بھی ایک خاص کیمسٹری دکھانے کیلئے چند رومانوی سین دکھائے گئے۔

لائبہ خان اور علی انصاری ایک ساتھ ’گپ شپ ود فوشیا‘ بطور مہمان شریک ہوئے جہاں دونوں نے ڈراموں میں فلمائے جانے والے رومانوی سینز سے متعلق بتایا۔

'تیرے بن 2'، پریمیئرکی تاریخ کا اہم اعلان

میرب اور مرتسم کے متوالے خوشی سے نہال

علی انصاری کا کہنا تھا کہ ’ جب کوئی ایسا سین اسکرپٹ میں آتا ہے تو ہدایتکار پہلے اداکار کو بتاتے ہیں جسکے بعد وہ اداکار اپنی ساتھی اداکارہ سے اس سین کے بارے میں بات کرتا ہے کہ کیا وہ یہ سین کرنے کیلئے راضی ہیں اور وہ کس طرح اس سین کو فلمانا چاہتی ہیں اور کہاں تک انکی حدود ہیں جنکو پار نہیں کیا جائیگا اور پھر اسی کے حساب سے سین کو فلمایا جاتا ہے‘۔

لائبہ خان نے کہا کہ ’ ہماری انڈسٹری میں اداکاراؤں کو اتنا حق حاصل ہے کہ وہ اگر کوئی رومانوی سین فلمانا نہیں چاہتیں تو منع کرسکتی ہیں کسی سے زبردستی سین کرنے پر مجبور نہیں کیا جاتا‘۔

اداکارہ نے کہا کہ ’مجھے اپنی حدود پتا ہیں اور وہ میں بہت واضح طور پر بتاچکی ہوں کہ کس حد تک میں کوئی سین فلما سکتی ہوں‘۔

انہوں نے یہ بھی کہا کہ ’ابھی بھی کافی اداکارائیں ایسی ہیں جو اجازت نہیں دیتیں رومانوی سینز کے لیکن کچھ کرلیتی ہیں، لیکن اصل بات یہ ہے کہ جس اداکار کے ساتھ آپ وہ سین فلمارہے ہیں اس کا ٹچ اہمیت رکھتا ہے کہ وہ کس نیت سے کام کر رہا ہے اور اگر آپ کو سامنے والے کی نیت سمجھ نہ آئے تو منع کرسکتے ہیں‘۔