عالمی شہرت یافتہ پاکستانی اداکارہ ماہرہ خان نے 78واں یومِ آزادی کے موقع پر وطن عزیز سے اظہار محبت کرکے سب کی توجہ حاصل کرلی۔

14 اگست بروز بدھ ملک بھر میں پاکستان کی آزادی کا جشن منایا گیا، اس خوشی کے موقع پر نہ صرف بچوں میں محبت کا جذبہ دیکھا گیا بلکہ بڑے بھی اس جوش و جذبے کا اظہار کرنے سے کسی سے پیچھے نہ رہے۔

ماہرہ خان کی ’ناک’ پر والدہ کا دلچسپ مشورہ

ماہرہ خان کی ویڈیو پر صنم جنگ بھی میدان میں آگئیں

گلیوں، محلوں اور شاہ راہوں کو سبز ہلالی پرچموں ، لائٹوں اور جھنڈیوں سے سجایا گیا بلکہ سوشل میڈیا پر جشنِ آزادی کی خوشی شوبز ستاروں نے بھی خوب سج سنور کر منائی اور سوشل میڈیا پر اپنی تصاویر اور پیغامات سے اس دن کو مزید خاص بنادیا۔

ماہرہ خان کی یوم آزادی پر خصوصی پوسٹ:

یوم آزادی کے موقع پر، ہمسفر کی مشہور اسٹارلیٹ نے تھرو بیک پورٹریٹ شیئر کیا جس میں وہ پہاڑی علاقوں کی خوبصورتی میں کھوئی ہوئی دکھائی دے رہی ہیں۔

سیاہ شرٹ اور ڈینم جینز میں ملبوس اداکارہ ریتیلی جگہ موجود ہیں جبکہ عقب میں دیو ہیکل خوبصورت پہاڑ اس جگہ کی خوبصورتی میں مزید اضافہ کرتے نظر آرہے ہں۔

وطن عزیز کے نام ماہرہ خان کا پیغام:

تھروبیک تصویر جاری کرتے ہوئے ماہرہ خان نے پوسٹ کے کیپشن میں لکھا کہ،’میرے پیارے مادر وطن، میں جہاں بھی جاتی ہوں، میں تمہیں فخر سے اپنی پیٹھ پر اٹھائے رکھتی ہوں۔ اس خوبصورت سرزمین کے لیے آپ کا شکریہ جسے میں اپنا گھر کہہ سکتی ہوں’۔

ملک میں جاری سیاسی بحران کو مدنظر رکھتے ہوئے ماہرہ خان نے مزید لکھا کہ، ’مجھے افسوس ہے کہ ہم نے آپ کو کئی بار مایوس کیا ہے۔ دعا ہے کہ ہم سب آپ کے بہتر نگران بننا سیکھیں۔ آپ خوشحال اور ترقی کی منازل طے کریں، امن اور اتحاد ہو اور ہم آپ کے جھنڈے کے سبز اور سفید حصے کو ہمیشہ برقرار رکھیں۔‘

ماہرہ خان کی اپنے حاملہ ہونے کی افواہوں پر لب کشائی

اداکارہ نے اپنے حمل کی وضاحت دے دی

صارفین کا ردعمل:

دوسری جانب ماہرہ خان کے اس پیغام کو نہ صرف پاکستانی مداحوں کی جانب سے خوب پسند کیا جارہا ہے بلکہ بھارتی شائقین بھی ماہرہ خان کی پوسٹ پر محبت کا اظہار کرتے نظر آرہے ہیں۔