پاکستانی اداکار نوید رضا کا نام بھی ہالی وڈ واک آف فیم پر درج ہوگیا۔

ہالی وڈ 'واک آف فیم' لاس اینجلس میں ایک راہ گزر ہے جس پر ایک گلابی ستارے والی ٹائلز نصب ہیں، ان ٹائلز پر 2 ہزار 783 سیلیبریٹریز کا نام درج ہے۔

اداکار نوید رضا کے ہاں بیٹے کی پیدائش

نوید رضا نے اپنے دوسرے بچے کا استقبال ایک دل موہ لینے والے انداز میں کیا

اس واک آف فیم میں امریکی باکسر محمد علی کے نام کا واحد ستارہ ہے جو زمین پر نہیں بلکہ دیوار پر آویزاں ہے کیوں کہ انہوں نے پیغمبر اسلام کا نام ہونے کے سبب اسے زمین پر نصب کرنے کی اجازت دینے سے انکار کردیا تھا۔

حال ہی میں نوید رضا نے اپنے انسٹاگرام اکاؤنٹ پر اسی واک آف فیم پر اپنے نام کے ساتھ تصویر شیئر کی جسے دیکھ کر سوشل میڈیا صارفین حیران رہ گئے۔

نوید رضا دہلیز، دراڑ، کس دن میرا ویاہ ہووے گا جیسے ڈراموں میں کام کرچکے ہیں اور اس وقت اپنی فلم 'لیچ' کی پروموشن اور اسکریننگ کے لیے امریکا میں موجود ہیں جو 9 اگست کو سینما گھروں کی زینت بنی تھی۔

نوید رضا نے اپنے ایکٹنگ کیریئر کے دوران ڈراموں میں زیادہ تر سائیڈ رولز ہی نبھائے ہیں لہٰذا ہالی وڈ واک آف فیم پر ان کا نام دیکھ کر سوشل میڈیا صارفین کو یقین نہ آیا۔

تاہم کچھ صارفین انہیں مبارکباد بھی دیتے نظر آئے لیکن زیادہ تر نے اسے فیک قرار دیا، ان کے علاوہ کچھ لوگ مسلمان نام کو زمین پر لکھنے پر بھی برہم نظر آئے۔

سید سروشالی نامی صارف نے لکھا کہ 'بھائی پیسے دے کر اسٹیکرز لگاتے ہیں نام کے اور پھر ہٹا دیا جاتا ہے'۔'