راولپنڈی کے اڈیالہ جیل میں قید سابق وزیرِ اعظم عمران خان کی جیل میں اپنی من پسند خوراک استعمال کرنے کا انکشاف سامنے آیا ہے۔

جیل ذرائع کے مطابق انہیں تینوں ٹائم حسب فرمائش کھانا فراہم کیا جاتا ہے، کھانا تیار کرنے کے لیے 2 مشقتی دیے گئے ہیں جو ماہر باورچی بھی ہیں۔

اڈیالہ جیل میں عمران خان 35 لاکھ روپے کا کھانا کھا گئے؟

عمران خان جیل کے اندر 65 مختلف شخصیات سے 976 ملاقاتیں کر چکے ہیں۔

ذرائع نے یہ بھی بتایا کہ گزشتہ روز اڈیالہ جیل میں عمران خان نے ناشتے میں تخم بالنگا اور گوند کتیرا ملا کر چقندر کا جوس نوش کیا، ساتھ ہی 2 دیسی انڈوں کا آملیٹ کھایا۔

خیال رہے کہ سابق وزیراعظم گزشتہ ایک برس سے جیل میں قید ہیں، انہیں 5 اگست 2023 کو توشہ خانے سے حاصل کردہ تحائف اپنے ٹیکس گوشواروں میں ظاہر نہ کرنے پر جیل بھیجا گیا تھا۔

میڈیا رپورٹ کے مطابق عمران خان جیل میں اپنے شب و روز اپنی ایکسرسائز بائیک پر ورزش کرنے، مطالعہ کرنے میں اور غور و فکر میں گزارتے ہیں۔ 

عمران خان کے جیل میں کمرے کی تصاویر پہلی بار منظرِعام پر آگئیں

عمران خان سے ملاقاتیں کرنے والوں کی فہرست بھی سامنے آگئی۔

انہیں دن میں ایک گھنٹے کے لیے جیل سے متصل برآمدے میں چہل قدمی کی اجازت ہے۔ اس بارے میں کبھی کبھار اختلافات ہوتے رہے ہیں کہ ان کے اہلخانہ انہیں کتنی جلدی نئی کتابیں فراہم کر سکتے ہیں۔

کچھ ماہ قبل یہ خبریں سامنے آئی تھیں کہ اگست 2023 سے فروری 2024 کے دوران جیل میں ان کی خوراک پر 35 لاکھ روپے خرچ آیا تھا۔

مذکورہ دعوے پر ردِ عمل دیتے ہوئے پاکستان تحریک انصاف (پی ٹی آئی) کے رہنما شیر افضل مروت نے کہا تھا کہ عمران خان کوئی مولانا فضل الرحمان ہیں جو 6 ماہ میں 35 لاکھ کا کھانا کھا گئے۔

عمران خان کو جیل میں 'سب کچھ' مل رہا ہے، رانا ثناء کا معنی خیز بیان

رانا ثنااللہ نے کہا ممنوع چیزیں بھی مل رہی ہیں۔

انہوں نے کہا تھا کہ قیدیوں کے لیے مخصوص اکاؤنٹ میں 80 ہزار روپے سے زیادہ جمع ہی نہیں ہوتے۔

شیر افضل مروت نے یہ دعویٰ کیا تھا کہ خان صاحب جیسے کفایت شعار آدمی سے یہ توقع کرنا کہ وہ 35 لاکھ کا کھانا کھا گئے فضول ہے کیوں کہ انہیں سادہ کھانا پسند ہے جس میں دہی اور سبزیاں شامل ہیں۔