پاکستان

جی سی یونیورسٹی میں جینز، ٹی شرٹ اور جوگرز پہننے پر پابندی عائد

ہدایات کی خلاف ورزی کرنے والوں پر جرمانہ ہوگا
Web Desk

جی سی یونیورسٹی میں جینز، ٹی شرٹ اور جوگرز پہننے پر پابندی عائد

ہدایات کی خلاف ورزی کرنے والوں پر جرمانہ ہوگا

(فائل فوٹو: سوشل میڈیا)
(فائل فوٹو: سوشل میڈیا)

لاہور میں گورنمنٹ کالج یونیورسٹی انتظامیہ نے نیا ڈریس کوڈ نافذ کردیا، جس کے تحت لڑکے اور لڑکیوں کے جینز، ٹی شرٹ اور جوگرز پہننے پر پابندی عائد ہوگی۔

ممبئی کے کالج میں حجاب کے بعد جینز، ٹی شرٹ پر بھی پابندی

طالبعلموں کو کالج میں داخل ہونے سے روک دیا گیا۔

میڈیا رپورٹس کے مطابق نوٹیفیکشن میں کہا گیا ہے کہ لڑکے اور لڑکیاں ٹی شرٹ، جیبز نہیں پہن سکتے، طلبہ ڈریس شرٹس اور ڈریس پینٹ پہنیں گے جبکہ طالبات باحیا کپڑے پہنیں گی اور دوپٹا اوڑھنا بھی لازمی ہوگا۔

یونیورسٹی انتظامیہ کا کہنا ہے کہ طلبہ کلاس رومز اور یونیورسٹی کی حدود میں آئی ڈی کارڈ لازمی پہنیں گے، ہدایات کی خلاف ورزی کرنے والوں پر جرمانہ ہوگا۔

یونیورسٹی حدود میں ڈریس کوڈ پر عمل نہ کرنے والے طلبہ و طالبات کے خلاف بھی ایکشن لیا جائے گا۔

تاجکستان میں حجاب پر سرکاری طور پر پابندی عائد

خلاف ورزی کرنے والوں کو بھاری جرمانے کا سامنا کرنا پڑ سکتا ہے۔

وائس چانسلر جی سی یونیورسٹی ڈاکٹر شازیہ بشیر کا کہنا ہے کہ طالبات بے ڈھنگے کپڑے پہن کر یونیورسٹی آجاتی ہیں، جامعات میں ڈسپلن قائم ہونا چاہیے۔

ڈاکٹر شازیہ بشیر کا مزید کہنا تھا کہ میں تنگ نظر نہیں مگر گورنمنٹ کالج یونیورسٹی کے لیے یہ فیصلہ ضروری ہے۔

دوسری جانب بعض میڈیا رپورٹس کے مطابق یونیورسٹی طلبہ کو انتظامیہ کے فیصلے پر اعتراضات اور تحفظات ہیں، اُن کا کہنا ہے کہ کسی بھی یونیورسٹی میں ایسی پابندیاں عائد نہیں ہیں۔