سابق وزیر اعظم و بانی تحریک انصاف (پی ٹی آئی) عمران خان نے جیل میں ورزش کیلئے ڈمبل مانگ لیے۔

میڈیا رپورٹس کے مطابق اڈیالہ جیل میں قید عمران خان نے 190ملین پاؤنڈ ریفرنس سماعت کے دوران عدالت میں 2 درخواستیں جمع کرا دیں۔

عمران خان کا جیل میں من پسند خوراک لینے کا انکشاف

خان صاحب کو تینوں ٹائم حسب فرمائش کھانا فراہم کیا جاتا ہے۔

درخواستیں عمران خان کے وکیل خالد یوسف چوہدری نے جمع کرائیں۔

پہلی درخواست میں عمران خان کی جانب سے جیل میں ورزش کیلئے ڈمبل فراہم کرنے کی استدعا کی گئی ہے۔

دوسری درخواست میں بینک اسٹیٹمنٹ کیلئے لیٹر پر عمران خان کے دستخط لینے کی اجازت مانگی گئی ہے۔

اڈیالہ جیل میں عمران خان 35 لاکھ روپے کا کھانا کھا گئے؟

عمران خان جیل کے اندر 65 مختلف شخصیات سے 976 ملاقاتیں کر چکے ہیں۔

عدالت نے دونوں درخواستوں پر جیل حکام کو جیل مینوئل کے مطابق عملدرآمد کی ہدایت کی جس پر جیل حکام نے ڈمبل کی فراہمی جیل مینوئل کےخلاف قرار دیتے ہوئے مسترد کر دی۔

علاوہ ازیں جیل حکام نے بینک اسٹیٹمنٹ کی دستاویزات بھی روک دیں۔

خیال رہے کہ سابق وزیراعظم گزشتہ ایک برس سے اڈیالہ جیل میں قید ہیں، انہیں 5 اگست 2023 کو توشہ خانے سے حاصل کردہ تحائف اپنے ٹیکس گوشواروں میں ظاہر نہ کرنے پر جیل بھیجا گیا تھا۔

عمران خان کے جیل میں کمرے کی تصاویر پہلی بار منظرِعام پر آگئیں

عمران خان سے ملاقاتیں کرنے والوں کی فہرست بھی سامنے آگئی۔

چند روز قبل یہ انکشاف سامنے آیا تھا کہ عمران خان کو جیل میں اپنی من پسند خوراک دی جارہی ہے۔

جیل ذرائع کے مطابق انہیں تینوں ٹائم حسب فرمائش کھانا فراہم کیا جاتا ہے، کھانا تیار کرنے کے لیے 2 مشقتی دیے گئے ہیں جو ماہر باورچی بھی ہیں۔

میڈیا رپورٹ کے مطابق عمران خان جیل میں اپنے شب و روز اپنی ایکسرسائز بائیک پر ورزش کرنے، مطالعہ کرنے میں اور غور و فکر میں گزارتے ہیں۔

عمران خان کو جیل میں 'سب کچھ' مل رہا ہے، رانا ثناء کا معنی خیز بیان

رانا ثنااللہ نے کہا ممنوع چیزیں بھی مل رہی ہیں۔

انہیں دن میں ایک گھنٹے کے لیے جیل سے متصل برآمدے میں چہل قدمی کی اجازت ہے۔ اس بارے میں کبھی کبھار اختلافات ہوتے رہے ہیں کہ ان کے اہلخانہ انہیں کتنی جلدی نئی کتابیں فراہم کر سکتے ہیں۔

چند ماہ قبل یہ خبریں سامنے آئی تھیں کہ اگست 2023 سے فروری 2024 کے دوران جیل میں ان کی خوراک پر 35 لاکھ روپے خرچ آیا تھا۔