ملک کی قومی ایئر لائن پاکستان انٹرنیشنل ایئرلائن (پی آئی اے) نے پروازوں کے دوران موبائل فون سے تصویریں کھینچنے اور بلاگنگ پر پابندی عائد کر دی ہے۔

میڈیا رپورٹس کے مطابق اس پابندی پر ابتدائی طور پر عمل درآمد بھی شروع کر دیا گیا ہے۔

ڈیڑھ سال میں پی آئی اے کے 14 ملازمین کینیڈا پہنچ کر غائب

رواں برس کینیڈا پہنچ کر اب تک عملے کے 7 اراکین غائب ہوچکے ہیں۔

 یہ بات سامنے آئی ہے کہ ٹیک آف اور لینڈنگ کے دوران مسافروں کی جانب سے تصاویر اور ویڈیوز بنانے میں مسلسل اضافہ ہو رہا ہے جس پر پی آئی اے حکام نے دوران پرواز جہاز میں تصاویر و ویڈیوز بنانے پر پابندی اور اس کی روک تھام کے لئے مہم تیز کر دی۔

معلوم ہوا ہے کہ حکام کے نوٹس لینے کے بعد سے جہاز کے اندر فضائی عملے کی جانب سے تصاویر اور ویڈیوز بنانے کی ممانعت کے اعلانات کیے جارہے ہیں کہ پاکستان کے ایوی ایشن رولز کے تحت جہاز کے اندر دوران سفر فوٹوگرافی کی اجازت نہیں ہے۔

طیاروں میں مسافروں کی پرائیویسی اور کسی بھی قسم کے حادثات سے بچنے کے لیے فوٹو گرافی پر ممانعت ہے، دنیا بھر میں تمام ایئرلائنز کی جانب سے دوران سفر ویڈیوز اور تصاویر بنانے کی ممانعت ہے

پی آئی اے کا عمرے کے لیے کرایوں میں بڑی کمی کا اعلان

15 جولائی تک رعایتی قیمتوں پر ٹکٹ حاصل کی جاسکتی ہے۔

رپورٹس کے مطابق دوران پرواز دیگر مسافروں کی ویڈیو بنانے یا تصاویر لینے والوں کے خلاف کارروائی کی جا سکتی ہے۔

جہاز پر مسافروں کی تصاویر اور ویڈیوز بنانے کے بڑھتے ہوئے رجحان کے حوصلہ شکنی کے ضمن میں پی آئی اے نے مسافروں کو پابندی کی یاد دہانی کے باقاعدہ اعلانات جاری کرنا شروع کر دیے ہیں۔

ایئر لائن کے مطابق پرواز کے دوران ساتھی مسافروں، کسی واقعہ اور کوئی ایسی ویڈیو یا تصاویر جو ہراسانی اور غیر اخلاقی حدود کے زمرے میں آتی ہو اس عمل کو کیمرے میں محفوظ کرنے والوں کے خلاف کارروائی کی جائے گی۔

میڈیا رپورٹس کے مطابق بین الاقوامی پروازوں خصوصاً ٹیک آف اور لینڈنگ کے دوران فوٹو گرافی پر سختی سے پابندی ہوگی۔

پی آئی اے کے 75 پائلٹوں کا استعفی کیلئے انتظامیہ سے رجوع

پائلٹوں کی تنخواہ میں کئی سال سے اضافہ نہیں کیا

پی آئی اے ذرائع نے بتایا کہ یہ پابندی مسافروں کے تحفظ اور بغیر اجازت ویڈیوز بنانے، فوٹو گرافی کرنے سمیت کسی بھی ہنگامی صورت حال کو روکنے کے لیے لگائی گئی ہے۔