پوری دنیا میں کامیابیاں سمیٹنے والے گلوبل اسٹار ‘دلجیت دوسانجھ‘  نے  اپنے مشہور ویلاگ پوسٹنگ کا سلسلہ جاری رکھتے ہوئے ایک مرتبہ پھر  اپنی ‘کوکنگ اینڈ پنجابی کامنٹری‘ کی دلچسپ ویڈیو  مداحوں سے شیئر کردی۔

معروف گلوکار و اداکار دلجیت دوسانجھ نے فوٹو اینڈ ویڈیو شیئرنگ ایپ انسٹاگرام پر مداحوں سے ایک رِیل شیئر کی جس میں انہیں ساؤتھ انڈین ڈش ‘ڈوسا‘ بناتے ہوئے دیکھا جاسکتا ہے۔

‘جٹ اینڈ جولیٹ‘ اسٹار کی جانب سے انسٹاگرام پر جاری ریل کو ‘ککڑ بمقابلہ ڈوسا‘ کا نام دیا گیا ہے جس میں انہیں اپنے کُک کے ہمراہ کوکنگ کامپیٹیشن کرتے دیکھا جاسکتا ہے۔

ڈوسا کیا ہے؟

بات کی جائے ڈوسا کی تو یہ جنوبی بھارت کی ایک مزیدار ڈش ہے جو مکمل سبزی خور افراد کیلئے ہے تاہم دلجیت کی جانب سے ڈش کو تھوڑا پنجابی تڑکا دیتے ہوئے اس میں چکن بھی شامل کی گئی ہے۔

ہانیہ عامر کی دلجیت دوسانجھ کے گیت پر شوخیاں

ہانیہ عامر کے گیت 'موم بتیے' پر حسن کے جلوے

گلوبل سپر اسٹار کی جانب سے انسٹاگرام پر جاری کی گئی رِیل ان کی زبردست پنجابی کامیڈی کامنٹری کی بدولت دیکھتے ہی دیکھتے وائرل ہوگئی جسے اب تک لاکھوں افراد دیکھ چکے ہیں۔

ویڈیو میں دلجیت دوسانجھ اپنے خانساماں کے ہمراہ ڈوسا پکانے کی کوشش کررہے ہیں اور ساتھ ساتھ اپنے خانساماں کو ٹرول بھی کررہے  ہیں جہاں ایک موقع پر ان کے خانساماں ناراض بھی ہوجاتے ہیں ۔

ویڈیو کے اختتام میں دیکھا جاسکتا ہے کہ دلجیت کنفیوژ ہیں کہ آیا ان سے ڈوسا بنا یا نہیں لیکن حیرت انگیز طور پر انہوں نے ساؤتھ انڈیا کی مشکل ترین ڈش کو پہلی ہی بار میں بہت آسانی سے بنالیا۔

تصاویر، دلجیت دوسانجھ کے ٹاپ 10 اسٹائلش لُکس دیکھیے

پنجاب سے کوچیلا سفر کرنے والا بھارت کا فیشن ایبل اسٹار

ڈوسا بنانے میں شاندار کامیابی پر  دلجیت دوسانجھ کی خوشی دیدنی تھی، ویڈیو کے کمنٹ سیکشن میں دلجیت کے مداح بھی انہیں مبارکباد دیتے نظر آئے۔