کراچی کے علاقے کلفٹن میں معروف اداکارہ و ماڈل انجلین ملک کی گاڑی سے مبینہ طور پر حادثہ پیش آنے کے بعد انہیں ہجوم نے گھیرلیا جس کی ویڈیو سوشل میڈیا پر وائرل ہوگئی۔

وائرل ویڈیو میں اداکارہ کو اپنی گاڑی میں دیکھا جا سکتا ہے جبکہ متعدد افراد ان کی گاڑی کا گھیراؤ کرکے انہیں گاڑی سے باہر نکلنے کا مطالبہ کرتے سنائی دیتے ہیں۔

کراچی، ‘نشے میں‘ گاڑی چلاتی خاتون کی 7 افراد کو ٹکر

حادثے میں باپ بیٹی جاں بحق، 5 افراد زخمی ہوئے۔

اداکارہ کی گاڑی کے پاس ہی رکشہ اور دیگر گاڑیاں بھی کھڑی ہیں، بعض گاڑیوں کے شیشے بھی ٹوٹے ہوئے دیکھے گئے۔

ویڈیو میں متعدد افراد کو اداکارہ کی گاڑی کو ارد گرد دیکھا جا سکتا ہے جبکہ اداکارہ ڈرائیونگ سیٹ پر بیٹھ کر ہجوم سے بات کرتی دکھائی دیتی ہیں۔

ویڈیو میں سنا جا سکتا ہے کہ متعدد افراد اداکارہ کو گاڑی سے باہر نکلنے کا کہتے ہیں جبکہ ایک شخص نے اداکارہ کا فون بھی اُٹھا لیا۔

کارساز حادثہ، ملزمہ نتاشا کے دوستوں کے انسانیت سوز تبصرے وائرل

کمنٹس پڑھنے والوں کی روح کانپ گئی

اداکارہ فون واپس کرنے کا مطالبہ کرتے ہوئے کہتی ہیں کہ وہ بھاگ نہیں رہیں بلکہ یہیں کھڑی ہیں۔

ویڈیو میں دیکھا جاسکتا ہے کہ ہجوم کی جانب سے اداکارہ سے نقصان کی ادائیگی کا مطالبہ کیا جارہا ہے، جبکہ انجلین ملک ان سے کہہ رہی ہیں کہ میرا موبائل دیں تاکہ میں کسی بندے کو بلا لوں، تاہم ہجوم کا مسلسل یہی مطالبہ تھا کہ 'آپ پہلے گاڑی سے نیچے اتریں'۔

سوشل میڈیا پر دعویٰ کیا جارہا ہے کہ انجلین ملک کی گاڑی سے یہ حادثہ کراچی کے علاقے کلفٹن میں پیش آیا، تاہم حادثے میں کسی جانی نقصان کی اطلاع نہیں ملی۔

کارساز حادثے کی سی سی ٹی وی فوٹیج سامنے آگئی

کراچی پولیس نے بھی وضاحت جاری کردی

تاحال اداکارہ کی جانب سے اس حادثے کے حوالے سے کوئی باضابطہ بیان سامنے نہیں آیا ہے۔

واضح رہے کہ کراچی کے علاقے کارساز میں پیش آنے والے حادثے کے بعد سے عوام میں شدید غم و غصہ پایا جارہا ہے، لوگوں کا مطالبہ ہے کہ حادثے میں ملوث ملزمہ نتاشا کو جلد از جلد سزا دی جائے جس نے اپنی گاڑی تلی باپ بیٹی کو روند دیا تھا۔