15  اگست کو سینما گھروں میں دھوم مچانے والی ہارر کامیڈی فلم ’استری 2’ کے نام سے تو سب ہی ضرور واقف ہونگے۔

دلچسپ ڈائیلاگز، سنسنی خیز مناظر، اور سر کٹے جن سے مقابلہ کرتی اس فلم کی کہانی نے جہاں لاکھوں فلم بینوں کے رونگٹے کھڑے کردیے وہیں ریلیز کے کئی دن بعد ہی اس فلم کے چرچے لاکھوں لوگوں کی زبان زد عام ہے۔

لیکن آخر ایسی کیا وجوہات ہیں جس نے اس فلم کو دیگر ہارر فلموں سے ایک انفرادی پہچان دلوائی ہے؟تو آئیے ایک نظر ڈالتے ہیں ان وجوہات پر جس کے سبب یہ فلم زبردست کامیابی کے  ساتھ ریکارڈ توڑ بزنس کرنے والی فلموں میں شامل ہوگئی۔

استری 2، حقیقی کہانی نے رونگٹے کھڑے کردیے

استری 2 کی کہانی حقیقت پر مبنی؟

اس بات سے تو سب ہی واقف ہیں کہ امر کوشک اپنی ہارر کامیڈی فلم استری2 کی  کامیابی سے بہت خوش ہیں۔ راج کمار راؤ اور شردھا کپور کی اداکاری سے عرش پر پہنچنے والی اس فلم نے دو ہفتوں بعد بھی سینما گھروں کی طرف شائقین کو اپنی طرف متوجہ کرنے کا سلسلہ جاری رکھ کر باکس آفس پر ایک نیا سنگ میل قائم کرلیا ہے۔

جس میں فنکاروں کی بے مثال اداکاری سے لے کر موسیقی، وی ایف ایکس، اور مافوق الفطرت کہانی کی لوگ تعریف کرتے نہیں تھک رہے۔

شردھا کپور اور راج کمار راؤ کی کیمسٹری:

فلم کی کامیابی کی ایک وجہ ہر دل عزیز اداکارہ شردھا کپور اور خوبرو اداکار راج کمار راؤ کی کیمسٹری ہے جسے شائقین بے حد پسند کر رہے ہیں غرض کہ  شردھا اور راجکمار کی آن اسکرین جوڑی سے لے کر قاتلانہ ڈانس موو سمیت سبھی کو شائقین کی جانب سے بے حد سراہا گیا۔

’استری 2’ کا پوسٹر’ اسٹرینجر تھنگز’ کے پوسٹر کی کاپی نکلا

ریڈٹ صارفین نے استری 2 میں بڑی نکل پکڑ لی

فنکاروں کی دبنگ انٹری:

کسی بھی فلم کی کامیابی کی ایک وجہ اسکی بہتر سے بہترین نمائش بھی ہوتی ہے جو صارفین کو اپنے سحر میں مبتلا کرنے کیلئے انتہائی کارگر ثابت ہوتی ہے۔

اس ہارر کامیڈی فلم میں جہاں شردھا کپور اور راجکمار راؤ کی دھوم مچی ہوئی ہے وہیں اداکار ورون دھون کا کردار بھی ناقابل فراموش ہے۔

ورون دھون استری 2 میں بھاسکر، کے طور پر  جلوہ گر ہوئے۔  جیسے ہی انہوں نے گانے "ٹھمکےشوری" میں شردھا کپور کی مختصر جھلک دکھائی تو ناظرین بے حد متجسس ہو گئے کہ اس مافوق الفطرت کائنات کا کیا تعلق ہے۔

جبکہ اداکار اکشے کمار کا بھی ’استری 2 ’ میں کیمیو نہ صرف فلم کو مزید مزاحیہ بناگیا بلکہ مستقبل میں مزید سیکوئلز اور اسپن آفز کے امکانات بھی پیدا کرگیا۔

شردھا کپور کی مقبولیت میں اضافے کی وجہ ’استری 2’ یا کچھ اور؟

اداکارہ کی مقبولیت میں ہوشربا اضافہ

استری کی ناقابل فراموش کہانی:

فلم ‘استری 2‘ سال 2018 میں ریلیز ہونے والی فلم ‘استری کا سیکیوئل ہے جو اپنی مقبولیت کی بدولت عالمی باکس آفس پرتہلکہ مچاتا دکھائی دے رہا ہے۔

اس مافوق الفطرت کہانی کی بات کریں تو استری 2 نہ صرف استری کا سیکوئل ہے بلکہ یہ ان لوگوں کے لیے لازمی دیکھنے والی فلم بن گئی ہے جو میڈوک فلمز کی استری کائنات کی فلموں کو فالو کر رہے ہیں، جن میں استری, بھیڑیا, مُنجھا اور کسی حد تک روحیں بھی شامل ہیں۔

شاندار معاون کاسٹ:

اگرچہ راجکمار راؤ اور شردھا کپور کا نام اس فلم کی کامیابی کا محور بن گیا ہے  تاہم  اس فلم کو دیکھنے کے بعد دیگر معاون کاسٹ کے لیے بھی مداحوں کا  جوش و خروش کسی سے کم نہیں تھا۔ پہلے حصے میں پنکج تریپاٹھی، اپارشکتی کھرانہ اور ابھیشیک کی شاندار کارکردگی کو اس بار بھی ویسے ہی دوبارہ پیش کیا گیا، جیسا کہ شائقین نے توقع کی تھی۔

تمنا بھاٹیہ اور ’آج کی رات’:

شادی کے برسوں بعد علیحدگی اختیار کرنے والی معروف شخصیات کون؟

اداکار ریتک روشن سے لے کر ایشا دیول تک نامور شخصیات اس فہرست میں شامل

استری 2 کی بات کی جائے اور تمنا بھاٹیہ کے بلاک بسٹر گانے ’آج کی رات’ کا تذکرہ نہ ہو ایسا کیسے ممکن ہے؟

کہانی اور معاون کاسٹ کے علاوہ مداحوں کے ذہنوں پر سوار ہونے والے سپر ہٹ گانے ’آج کی رات’ نے بھی فلم بینوں میں کافی جوش و ولولہ پیدا کر رکھا ہے، فلم کی ریلیز کے بعد سے نہ صرف سوشل میڈیا صارفین بلکہ عام عوام بھی تمنا بھاٹیہ کے ڈانس اسٹیپس کی نقل کرتے دکھائی دے رہے ہیں۔

واضح رہے کہ یہ گانا مغربی اور کلاسیکی ہندوستانی موسیقی کو یکجا کرتا ہے جبکہ اس میں  راج کمار راؤ اور تمنا کے ہائی انرجی ڈانس اسٹیپس اسے مزید دل لگی بنانے کا کام سر انجام دے رہے  ہیں۔

 مافوق الفطرت کائنات میں صنف اور پدرانہ نظام:

اس فلم کا بلاک بسٹر ہونے کی ایک وجہ یہ بھی ہے کہ میڈوک سپرنیچرل یونیورس نے ہارر-کامیڈی صنف میں صنفی حرکیات پر توجہ دی ہے۔

شردھا کپور کا کافی شاپ سے ملنے والا پہلا معاوضہ کتنا؟

اداکارہ کا فلموں سے قبل کافی شاپ میں کام کرنے کا انکشاف

 استری  میں کرداروں کی تبدیلی دکھائی گئی ہے جہاں مرد خوف کے مارے رات 10 بجے کے بعد اپنے گھروں سے باہر جانے سے ڈرتے ہیں کیونکہ انہیں ایک غصے سے بھری روح، جسے *استری* کہا جاتا ہے، کے ہاتھوں پکڑے جانے کا خطرہ ہوتا ہے۔

سیاق و سیاق:

*بھیڑیا* ایک خاتون بھیڑیے کی کہانی ہے جو جنگلات کی کٹائی کے خلاف جنگلی حیات اور مقامی لوگوں کی حفاظت کرتی ہے، جو کہ صنعتی اداروں کے اقدامات کے خلاف ہے۔ اسی دوران *مُنجھا* ایک ایسے لڑکے کی کہانی سناتی ہے جو اپنے سے سات سال بڑی لڑکی کے ساتھ جنون کی وجہ سے ایک عفریت میں تبدیل ہو جاتا ہے، جو کہ پدرشاہی اور رضا مندی پر ایک نرم تنقید فراہم کرتی ہے۔

بالی وڈ اداکاروں کی پہلی تنخواہ جانیے

نامور فنکاروں کے معمولی معاوضے نے مداحوں کو حیران کردیا

جبکہ  *استری 2* میں ان خوفناک حالات کو دکھایا گیا ہے جہاں مردوں نے خواتین پر ان کے طرز زندگی، لباس، اور سوچنے کے طریقے کے حوالے سے جاگیردارانہ رسومات مسلط کی ہیں۔ اس فلم  میں مخالف کردار، سرکٹا، لبرل اور ترقی پسند خواتین کے خلاف شدید نفرت رکھتا ہے۔

واضح رہے کہ یہ  فلم ہارر اور کامیڈی کے امتزاج پر مبنی  سماجی تبصرے پیش کرتی ہے جو سامعین کے ساتھ گونج رہی ہے۔ 

اس میں خواتین کے جبر اور استحصال کو باریک بینی سے دکھایا گیا ہے، جو موجودہ سماجی منظر نامے کی عکاسی کرتا ہے۔