پاکستانی سینئر اداکارہ صبا فیصل کی چھوٹی بہو نشا طلعت کے جلد ماں بننے کی خوشی میں منعقد کیے گئے 'بے بی شاور' کی تصاویر وائرل ہوگئیں۔

ڈراما 'دُرِشہوار' ، 'خدا اور محبت' ، 'سرِ راہ' اور 'ذرا یاد کر' جیسے ڈراموں میں بہترین اداکاری کے جوہر دکھانے والی اداکارہ صبا فیصل گزشتہ چند سالوں سے اپنی پیشہ ورانہ زندگی سے زیادہ اپنی گھریلو زندگی کے سبب شہ سرخیوں کا حصہ بن رہی ہیں۔

صبا فیصل کا بڑی بہو نیہا کیلئے خاص پیغام

صبا فیصل نے بہو اور بیٹے پر دعاؤں کی برسات کردی

صبا فیصل گزشتہ سال اپنی بڑی بہو نیہا سے ہونے والی سوشل میڈیا لڑائی کے سبب گھر گھر موضوعِ بحث بنیں تو پھر چھوٹے بیٹے ارسلان فیصل کی شادی پر انکے رقص کی ویڈیوز بھی توجہ کا مرکز بنیں۔

ڈراموں میں اکثر و بیشتر ظالم ساس کا کردار نبھانے والی اداکارہ صبا فیصل نے اب بڑی بہو نیہا سے تعلقات استوار کر لیے ہیں اور تقریبات میں انکی پوری فیملی یکجا ہوتی ہے۔

ماڈرن حجاب، صبا فیصل کی چھوٹی بہو شدید ٹرولنگ کا شکار

صبا فیصل کی بہو میں بڑی تبدیلی سب کو حیران کر گئی

حال ہی میں صبا فیصل نے چھوٹے بیٹے اور بہو کی زندگی کی سب سے بڑی خوشی کا جشن منانے کا فیصلہ لیتے ہوئے 'بے بی شاور' کا اہتمام کیا۔

صبا فیصل اور انکی بیٹی سعدیہ فیصل نے فوٹو اینڈ ویڈیو شیئرنگ ایپ انسٹاگرام پر اسٹوریز شیئر کی ہیں جن میں 'بے بی شاور' کی یادگار تصاویر شامل ہیں۔

علاوہ ازیں سوشل میڈیا پر ایک تصویر وائرل ہے جس میں ارسلان فیصل اور نشا کو سعدیہ فیصل سے بات کرتے دیکھا جاسکتا ہے جبکہ اسٹوری پر 'اٹس آ بوائے' لکھا ہوا ہے جو صبا فیصل کے ہاں تیسرے پوتے کی آمد کا اعلان کرگیا۔

یاد رہے کہ صبا فیصل کی بڑی بہو  نیہا سلمان دو بیٹوں کی ماں ہیں اور اب انکی دوسری بہو کے ہاں بھی بیٹا کی پیدائش متوقع ہے۔

اس تقریب کی سجاوٹ کی ذمہ داری 'زیل اینڈ زیسٹ ایونٹس' نے سنبھالی اور صبا فیصل کے خاندان میں آنے والے نئے پوتے کے جشن کو رونق بخش دی۔

تصاویر یہاں دیکھیں: