اسکینڈلز

پیدائش پر دوسرے بچے سے تبدیل کردیا گیا تھا، رانی مکھرجی کا انکشاف

Web Desk

3 years ago

پیدائش پر دوسرے بچے سے تبدیل کردیا گیا تھا، رانی مکھرجی کا انکشاف

بولی وڈ کی نامور اداکارہ رانی مکھرجی نے انکشاف کیا ہے کہ پیدائش کے وقت انہیں ایک دوسرے بچے سے تبدیل کردیا گیا تھا۔

بھارتی میڈیا کے مطابق ایک پرانے انٹرویو کے دوران رانی مکھرجی نے انکشاف کیا کہ ان کی پیدائش کے وقت اسپتال میں ایک انتہائی دلچسپ صورت حال پیدا ہو گئی تھی۔

اداکارہ نے بتایا کہ جب وہ پیدا ہوئیں تو اسپتال میں ایک پنجابی فیملی کی بچی کے ساتھ تبدیل ہوگئی تھیں۔

اداکارہ نے بتایا کہ جب میری والدہ کرشنا مکھرجی کو اس بات کا احساس ہوا تو انہوں نے اسپتال میں شورشرابا شروع کردیا اور کہا کہ یہ میری بیٹی نہیں ہے، میری بیٹی کی آنکھیں براؤن تھیں جبکہ اس کی آنکھیں براؤن نہیں ہیں۔

رانی مکھرجی نے بتایا کہ والدہ نے مجھے اسپتال میں ڈھونڈنا شروع کردیا اور انہوں نے مجھے ایک پنجابی فیملی کے کمرے میں موجود پایا، جن کے ہاں آٹھویں بچے کی پیدائش ہوئی تھی۔

بھارتی اداکارہ نے بتایا کہ گھر والے مجھے مذاق میں کہتے ہیں کہ اصل میں تم ایک پنجابی ہو لیکن غلطی سے ہماری فیملی میں آ گئی ہو۔