ہدایت کار، اداکار یاسر نواز نے انکشاف کیا ہے کہ وہ دو بار ڈیٹ کرتے ہوئے پکڑے جاچکے ہیں۔

یاسر نواز سے متعلق یہ تو سب ہی جانتے ہیں کہ وہ ناصرف ایک  شاندار اداکار بلکہ کامیاب پروڈیوسر بھی ہیں۔

 ان کے قابل ذکر ڈراموں میں دل موم کا دیا، باغی، میرا دل میرا دشمن اور دیگر شامل ہیں۔

یاسر نواز ملک کے عظیم اداکار فرید نواز بلوچ مرحوم کے صاحبزادے ہیں، ان کی شادی ایک انتہائی باصلاحیت ٹی وی میزبان و اداکارہ ندا یاسر سے ہوئی۔

ندا یاسر معروف ٹی وی ہدایتکار و پروڈیوسر کاظم پاشا کی صاحبزادی ہیں اور ان کی اور یاسر کی جوڑی مثالی ہے۔

یاسر نواز اپنی اہلیہ اور فیملی کے ہمراہ مل کر سوشل میڈیا پر بھی کافی ایکٹیو رہتے ہیں، وہ کامیابی سے اپنا یوٹیوب چینل فرید نواز پروڈکشن چلا رہے ہیں جہاں وہ مختلف اور دلچسپ مواد پوسٹ کرتے ہیں۔

 یاسر نواز نے ٹی وی کے ایک مارننگ شو میں شرکت کی جس میں انہوں نے اپنے ابتدائی افیئرز کے بارے میں کھل کر بات کی۔

یاسر نواز کی اکلوتی بہن شوبز انڈسٹری کا حصہ کیوں نہیں بنیں؟

دانش نواز نے بتایا کہ وہ تین بھائی اور ایک بہن ہیں

انہوں نے 2 مرتبہ اپنے پکڑے جانے کے بارے میں بتایا کہ  ایک بار  ایک ’ڈیٹ‘ اور گرل فرینڈ سے ہونے والی فون کال ان کے والد کے علم میں آگئی تھی۔

یاسر نے  میزبان سے کہا کہ چلیں شکر ہے ندا اس پروگرام میں نہیں اور وہ خود اپنے مارننگ شو میں مصروف ہوں گی اس لیے موقع غنیمت جان کر میں شادی سےپہلے کے اپنے واقعات سنادیتا ہوں۔

یاسر نواز نے کہا کہ ایک بار میں کالج کے دنوں میں اپنی دوست کو اپنے والد کی گاڑی میں گھمانے لے گیا تھا۔

 انہوں نے کہا کہ ’میں گلیوں میں گاڑی چلا رہا تھا کہ پولیس نے ہمیں پکڑ لیا جس پر میں کافی پریشان ہوگیا حالانکہ انکے ساتھ موجود دوست کافی بہادر تھی۔

انہوں نے بتایا کہ پولیس نے ہمیں تھانے لے جانے کی کوشش کی تو مجبور ہو کر میں نے اپنے والد کو فون کیا جنہیں یہ بھی بتانا پڑا کہ میں گاڑی میں کس کے ساتھ ہوں اور پولیس کیا کہہ رہی ہے۔ خیر اس کے بعد ان میں سے ایک پولیس والے نے ان کو ایک لمبا چوڑا لیکچر دیا اور یہ بھی کہا کہ یہ ایک اسلامی ملک ہے اور آپ کیا کرتے پھر رہے ہیں۔

15 سال بعد بیوی اپنے شوہر کی نئی شادی کروائے، یاسر نواز

حکومت ایسا قانون بنائے جس کے تحت بیوی ہر 15 سال بعد اپنے شوہر کی نئی شادی کروائے۔

 یاسر نے یہ بھی بتایا کہ  ایک مرتبہ وہ کمرے میں اندھیرا کیے فون پر اپنی گرل فرینڈ کے ساتھ محو گفتگو تھے کہ ان کے والد نے گفتگو سن لی۔

یاسر نواز نے بتایا کہ ایک بار وہ گھر آئے تو دیکھا گھر کے سارے افراد گئے ہوئے ہیں وہ اندر آگئے اور آتے ہی بغیر کوئی وقت ضائع کیے انہوں نے لینڈ لائن فون ایک مرکزی جگہ سے اپنے کمرے میں کھینچا اور اپنی گرل فرینڈ کو فون ملادیا۔

انہوں نے کہا کہ فون ملانے کی اتنی جلدی تھی کہ انہوں نے کمرے کی لائٹ بھی آن نہیں کی پھر جب انہیں فون پر باتیں کرتے کرتے 20 منٹ گزرگئے تو اچانک بالکل ساتھ والے کمرے سے ہی ان کے والد کے کھانسنے کی آواز آئی جو اپنے بیٹے کو یہ جتا رہے تھے کہ وہ سب کچھ سن رہے ہیں۔ 

یاسر کا بتانا تھا کہ انہوں نے فون بند کردیا لیکن پھر والد نے ان سے کچھ نہیں کہا۔