کراچی میں اینٹی وہیکل لفٹنگ سیل (اے وی ایل سی) پولیس نے فوڈ ڈیلیوری رائیڈر کو گرفتار کرلیا جو شہر میں فوڈ ڈلیوری کے دوران موٹر سائیکلیں چوری کرتے ہوئے پکڑا گیا تھا۔

میرا کے گھر چوری کی بڑی واردات، 1 کروڑ کی قیمتی اشیاء غائب

پاکستانی فلم انڈسٹری کی سینئر اداکارہ میرا جی کے گھرچوری کی بڑی واردات میں قیمتی...

میڈیا رپورٹس کے مطابق نوید نامی ملزم کی گرفتاری مکمل تفتیش کے بعد عمل میں آئی ہے، سی سی ٹی وی فوٹیجز کے ذریعے موٹرسائکل چوری کی وارداتوں میں نوید کے ملوث ہونے کا انکشاف سامنے آیا تھا۔

تفتیش مکمل ہونے کے بعد گرفتار ملزم نوید کے قبضے سے 2 مسروقہ موٹر سائیکلیں برآمد ہوئی ہیں۔

نوید ایک پرائیویٹ فوڈ ڈیلیوری کمپنی میں بطور رائیڈر کام کرتا تھا، ڈیلیوری کے دوران وہ مبینہ طور پر گاہکوں کی نئی موٹرسائیکلیں چوری کرتا پایا گیا تھا۔

ایس ایس پی عارف اسلم راؤ کے مطابق نوید اس سے قبل بھی موٹرسائیکل چوری کی 5 وارداتوں میں گرفتار کیا جا چکا ہے۔

لاڑکانہ میں انوکھی واردات، چور موبائل فون کمپنی کا ٹاور لے اُڑے

چور لوہے کا مین گیٹ اور دیگر تنصیبات بھی ساتھ لے گئے۔

30 اگست 2024 کو اس نے اپنے ایک ساتھی کے ساتھ مل کر سمیر نامی گاہک کی موٹرسائیکل چوری کرلی تھی، علاوہ ازیں کراچی کے علاقے کھارادر سے ایک اور چوری شدہ موٹرسائیکل بھی اس کے قبضے سے برآمد ہوئی۔

یاد رہے کہ سی پی ایل سی ریکارڈ کے مطابق کراچی میں رواں سال کے پہلے 7 ماہ کے دوران 31ہزار سے زائد وارداتیں ہوئیں۔

ریکارڈ کے مطابق سب سے زیادہ وارداتیں موٹرسائیکلیں چوری اور چھیننے سے متعلق تھیں۔

سی پی ایل سی ریکارڈ کے مطابق 31 ہزار سے زائد چوری و چھینی گئی موٹرسائیکلوں میں سے صرف ایک ہزار 66 برآمد کی جاسکی ہیں۔