امریکہ میں رواں برس ہونے والی صداری انتخابات میں حکمراں جماعت کی امیدوار کملا ہیرس کی انتخابی مہم کے لیے بھارتی فلم 'آر آر آر' آسکر ایوارڈ یافتہ گانا 'ناچو ناچو' استعمال کیا جانے لگا۔

امریکا میں بھارتی نژاد کمیونیٹی لیڈر اتل جین بھٹوریا نے بھارتی فلم 'آر آر آر' کے آسکر ایوارڈ یافتہ گانے 'ناچو ناچو' کو کملا ہیرس کی انتخابی مہم کا حصہ بنادیا۔

بائیڈن صدارتی دوڑ سے دستبردار، کملا ہیرس کی حمایت کا اعلان

میری دستبرداری پارٹی اور ملک کے بہترین مفاد میں ہے، بائیڈن

اس کا مقصد امریکا میں آباد 40 لاکھ سے زائد بھارتی اور 60 لاکھ سے زائد جنوبی ایشیائی ووٹرز کو اپنی جانب متوجہ کرکے انکی حمایت حاصل کرنا ہے۔

'ناچو ناچو' گانے کی طرز پر بنائے گئے ڈیڑھ منٹ طویل انتخابی ترانے میں کملا ہیرس کو اپنی نامزدگی قبول کرتے ہوئے اور زبان و ثقافتی رکاوٹوں کو عبور کرتے ہوئے ہندی، پنجابی، تامل، تیلگو، گجراتی، بنگالی سمیت دیگر ووٹروں کے ساتھ متحرک دکھایا گیا ہے۔

بھارتی گانے کو انتخابی مہم میں متعارف کروانے والے اتل جین بھٹوریا نے کہا کہ یہ گانا طبقاتی اور تہذیبی کشمکش کے ساتھ ساتھ آزادی کی جدوجہد سے جڑا ہے جو کملا ہیرس پر پورا اترتا ہے۔

نائب صدر کیلئے کاملا ہیرس کا انتخاب ٹم والز کون ہیں؟

ٹم والز کا مقابلہ سینیٹر جے ڈی وینس سے ہوگا۔

انہوں نے کہا کہ ووٹروں کی حمایت حاصل کرنے کیلئے انتخابی مہم میں بالی ووڈ سے متاثر مزید گانے شامل کریں گے۔

یاد رہے کہ امریکا میں صدارتی الیکشن نومبر میں ہونے جا رہے ہیں جس میں اگر 59 سالہ کملا ہیرس منتخب ہوجاتی ہیں تو وہ امریکا کی 248 سالہ تاریخ میں ملک کی صدر بننے والی پہلی خاتون ہوں گی۔