سال 2024  اپنے اختتام سے محض چند مہینے دور ہے، جوں جوں سال اپنے اختتام کی جانب بڑھتا ہے مشہور شخصیات کی سالانہ کارکردگی یا کامیابی کے حوالے سے میڈیا پر خبریں شائع ہوتی ہیں۔

آئیے آج آپ کو بتاتے ہیں کہ بالی وڈ کی امیر ترین اداکاراؤں کی فہرست میں کس اداکارہ کا نام ٹرینڈ کررہا ہے۔

امیر ترین بھارتی اداکارہ کون؟

بھارتی ویب سائٹ ہورُن انڈیا رِچ لسٹ 2024 کے مطابق، بالی وڈ اداکارہ  جوہی چاولہ نے سب سے زیادہ دولت کے ساتھ بھارت کی سب سے امیر ترین اداکارہ کا اعزاز اپنے نام کیا ہے، رپورٹس کے مطابق اداکارہ کُل 4 ہزار 600 کروڑ بھارتی روپے کی مالک ہیں۔

 1990 کی دہائی کی معروف بالی ووڈ اسٹار جوہی چاولہ نے اپنی دولت کی بدولت اداکارہ ایشوریا رائے، دیپیکا پڈوکون اور پریانکا چوپڑا جیسی ہم عصر اداکاراؤں کو بھی پیچھے چھوڑ دیا۔

ایشیاء کے 10 سب سے امیر شخصیات کون؟

سال 2023 اب ختم ہونے کو ہے لیکن کیا آپ جانتے ہیں کہ بر اعظم ایشیاء کے وہ 10 امیر ترین...

بالی وڈ کی دلکش اداکارہ جوہی چاولہ نے  فلمی میدان میں اپنی تقریباً غیر موجودگی کے باوجود بھی مختلف منصوبوں اور سرمایہ کاری کے ذریعے  اپنی آمدنی میں اضافے کا سلسلہ بحال رکھا ہوا ہے جس میں انڈین پیریمئر لیگ (آئی پی ایل) میں شاہ رُخ خان کے ہمراہ کولکتہ نائٹ رائڈرز میں انکی شراکت داری سرِفہرست ہے۔

صرف یہی نہیں اداکارہ جوہی چاولہ نے ایک ہزار کروڑ سے زائد دولت رکھنے کا ایک اور اعزاز بھی اپنے نام کیا ہے کیونکہ ابھی تک کسی اور بھارتی اداکارہ کی دولت ایک ہزارکروڑ بھارتی روپے تک نہیں پہنچ سکی ہے۔

50 سالہ کاجول کتنی امیر ہیں؟

کاجول کی سالانہ آمدنی 20 سے 25 کروڑ روپے تک ہے۔

ہورُن انڈیا رِچ لسٹ 2024 کی رپورٹس کے مطابق اداکارہ جوہی چاولہ کے ساتھ اس کیٹیگری میں بالی ووڈ کے سپر اسٹار شاہ رخ خان 7 ہزار 300 کروڑ بھارتی روپے کے اثاثوں کے ساتھ سب سے امیر ترین اداکار ہیں۔