ایشین ہاکی چیمپئنز ٹرافی میں بھارت نے پاکستان کو دلچسپ مقابلے کے بعد شکست دے دی۔

ایشین ہاکی چیمپئنز ٹرافی؛ پاکستان اور بھارت سیمی فائنل میں پہنچ گئے

پاک-بھارت ٹاکرا کب ہوگا؟

چین کے شہر ہولن بئیر میں کھیلے گئے میچ میں آج پاکستان اور بھارت کی ٹیموں کے درمیان دلچسپ میچ ہوا جسکے بعد بھارت نے پاکستان کو 1-2 سے ہرا دیا۔ 

بھارت کی جانب سے دونوں گول ہرمن پریت سنگھ نے کیے جبکہ پاکستان کی جانب سے احمد ندیم نے ایک گول کیا۔

دلچسپ مقابلہ

میچ شروع ہوتے ہی چھٹے منٹ میں احمد ندیم نے گول کرکے پاکستان کو برتری دلائی تاہم یہ برتری زیادہ دیر برقرار نہ رہی اور 12ویں منٹ میں بھارت کو پنالٹی کارنر ملا جس پر کپتان ہرمیت پریت سنگھ نے گول کرکے مقابلہ برابر کردیا۔

دوسرا کوارٹر شروع ہوا تو بھارت نے پھر پنالٹی کارنر لیا اور دوسرا گول کرکے پاکستان کے خلاف برتری حاصل کرلی۔

ہاف ٹائم پر بھارت کو 1-2 کی سبقت حاصل تھی جبکہ تیسرے کوارٹر میں پاکستان نے شاندار کھیل پیش کیا اور زیادہ تر کھیل بھارتی ہاف میں ہوا۔

کرکٹ میں ناکامی، عدنان صدیقی کو ہاکی کا عروج یاد آگیا

اداکار ’ڈیجا وو‘ کی کیفیت میں مبتلا

پاکستان نے اس کوراٹر میں 5 پنالٹی کارنر لیے لیکن کسی ایک کو بھی گول میں تبدیل نہ کرسکا۔

پاکستان ٹیم کو 2 مرتبہ 10،10 کھلاڑیوں سے کھیلنا پڑا، ایک بار سفیان نے فاول کیا تو انہیں 5 منٹ باہر بیٹھنا پڑا، آخری کوراٹر میں رانا وحید نے فاول کیا جس پر انہیں 10منٹ کیلئے باہر کردیا گیا۔

آخری کوراٹر میں بھی دونوں ٹیموں نے گول کرنے کی بھرپور کوشش کی لیکن کوئی ٹیم گول نہ کرسکی اور یوں بھارت نے پاکستان کو ایک کے مقابلے میں 2 گول سے شکست دے دی۔

پوائنٹس ٹیبل

واضح رہے کہ بھارت ایونٹ میں مسلسل 5 میچز جیت چکا ہے جب کہ پاکستان کی ٹورنامنٹ میں یہ پہلی شکست ہے۔

بھارت 5میچز جیت کر پوائنٹس ٹیبل پر 15پوائنٹس کے ساتھ ٹاپ پر ہے، جبکہ پاکستان کو ایک میچ میں شکست ہوئی، 2 میچ جیتے اور 2 میچ برابر ہونے کے بعد پاکستان 8 پوائنٹس کے ساتھ دوسرے نمبر پر موجود ہے۔

پاکستان کو شکست، اذلان شاہ ہاکی ٹورنامنٹ کا فائنل جاپان جیت گیا

جاپان نے پاکستان کو سنسنی خیز مقابلے کے بعد شکست دی۔

پاکستان اور بھارت کی ٹیمیں پہلے ہی سیمی فائنل کیلئے کوالیفائی کرچکی ہیں۔

ایونٹ کے راؤنڈ میچز آج مکمل ہوجائیں گے اور دیگر 2سیمی فائنلسٹ ٹیموں کا بھی فیصلہ ہو جائے گا۔

ماضی میں بھارت 4 مرتبہ اور پاکستان 3 مرتبہ ایشین ہاکی چیمپیئنز ٹرافی جیت چکا ہے، ہاکی کی عالمی رینکنگ پر نظر ڈالیں تو بھارت پانچویں اور پاکستان 16 ویں نمبر پر موجود ہے۔