بھارتی فلمساز سوہم شاہ نے 2021 کی مقبول کورین ویب سیریز 'اسکوئیڈ گیم' کو اپنی 2009 میں ریلیز ہونے والی فلم 'لک' کا چربہ قرار دیتے ہوئے نیٹ فلکس کیخلاف مقدمہ دائر کردیا۔

سوہم شاہ نے نیو یارک میں نیٹ فلکس کے خلاف مقدمہ دائر کیا ہے، جس میں الزام عائد کیا گیا ہے کہ مذکورہ کورین ویب سیریز انکی ہندی زبان میں ریلیز ہونے والی فلم 'لک' کی نقل ہے۔

’اسکوئیڈ گیم‘ کے دوسرے سیزن کا ٹیزر ریلیز

دوسرا سیزن رواں برس 26 دسمبر کو ریلیز ہوگا

مقدمے میں سوہم شاہ نے دعویٰ کیا ہے کہ ان کی فلم 'لک' اور نیٹ فلکس شو 'اسکوئیڈ گیمز' میں حیرت انگیز مماثلتیں ہیں جو محض اتفاق نہیں ہوسکتیں۔

سوہم شاہ نے کہا کہ اسکوئیڈ گیم کے مرکزی پلاٹ، کردار، تھیمز، موڈ اور واقعات کی ترتیب بالکل انکی فلم 'لک' سے حیرت انگیز طور پر ملتی جلتی ہیں، یہ ممکن نہیں کہ اس طرح کی مماثلت محض اتفاقیہ ہو۔

یاد رہے کہ 2009 میں ریلیز ہونے والی فلم 'لک' میں بالی وڈ کے مسٹر پرفیکٹ عامر خان کے بھانجے عمران خان نے مرکزی کردار ادا کیا تھا۔

’جوان‘ بھی چربہ نکلی ؟ ہوشربا انکشاف

بالی وڈ اداکار شاہ رخ خان کی فلم ’جوان‘ صرف 3 دن میں 384 کروڑ سے زائد کا بزنس کرنے...

اس فلم کی کہانی 'اسکوئیڈ گیم' کی طرح چند مقروض اور ضرورتمند لوگوں کے ایک گروہ کے گرد گھومتی ہے جو بڑی رقم جیتنے کی لالچ میں خطرناک مقابلوں سے بھرپور کھیل کھیلنے پر آمادہ ہوجاتے ہیں، جنہیں بعد میں پتا چلتا ہے کہ اس میں سے کسی بھی مقابلے میں ہارنے کا مطلب موت ہے۔

شاہ نے اسکویڈ گیم کے مصنف ہوانگ ڈونگ ہائوک پر بھی مقدمہ دائر کیا ہے، یہ دعویٰ کرنے کے لیے کہ اس نے اپنی کہانی کا ورژن 2009 میں لکھا تھا، جس سال لک دنیا بھر کے سینما گھروں میں ریلیز ہوئی تھی۔

سوہم شاہ نے 'اسکوییڈ گیم' کے مصنف ہوانگ ڈونگ ہائوک پر بھی مقدمہ دائر کیا ہے۔

فلم کالکی 2898 AD جنوبی کوریا کے آرٹسٹ کے کام کا چربہ

میکرز پر اینیمیشن چوری کرنے کا الزام عائد

سوہم شاہ کے بقول مصنف کا دعویٰ ہے کہ انہوں نے اس ویب سیریز کی کہانی 2009 میں لکھی تھی، یہ وہی سال تھا جب سوہم شاہ کی 'لک' فلم دنیا بھر کے سینما گھروں میں ریلیز ہوئی تھی۔

سوہم شاہ نے یہ دعویٰ بھی کیا کہ وہ فلم 'لک' کی کہانی 2006 میں لکھ چکے تھے جسکے بعد 2009 میں یہ فلم دنیا بھر کے سینما گھروں کی زینت بنی۔

نیٹ فلکس کا ردعمل

نیٹ فلکس کے ترجمان نے سوہم شاہ کے دعوے پر ردعمل دیتے ہوئے کہا ہے کہ وہ ان الزامات کیخلاف بھرپور طریقے سے دفاع کریں گے۔

انہوں نے کہا کہ اس دعوے کا کوئی جواز نہیں ہے، اسکوئیڈ گیم کو ہوانگ ڈونگ ہائوک نے بنایا اور لکھا ہے، ہم اس معاملے کا بھرپور دفاع کرنے کا ارادہ رکھتے ہیں۔

’اسکوئڈ گیم‘ سیزن ٹو کو دسمبر میں ریلیز کرنے کا اعلان

ویب سیریز کے مختصر ٹیزر نے آتے ہی تہلکہ مچا دیا

سوہم شاہ کیجانب سے دائر مقدمے میں دعویٰ کیا گیا کہ 'اسکوئیڈ گیم' کی ریلیز کے بعد نیٹ فلکس کی مارکیٹ ویلیو میں 900 ملین ڈالر سے زیادہ اضافہ ہوا تھا، لہٰذا نیٹ فلکس کو اس کمائی میں سے انہیں (سوہم شاہ کو) بھی معاوضہ ادا کرنا چاہیے۔

واضح رہے کہ سوہم شاہ نے یہ مقدمہ ایسے وقت میں دائر کیا ہے جب 'اسکوئیڈ گیم' کا دوسرا سیزن 26 دسمبر کو نیٹ فلکس پر ریلیز ہونے والا ہے۔